పుట:2015.391574.BHAKTIRASA-SHATAKA.pdf/220

రుక్మిణీపతిశతకము

209

⁠

జన్యులఁ జూడఁ గామ్యముల సౌఖ్యపుజాడలఁ గూడ సన్నస ద్ధన్యుల కాపదంబునిధి దాఁటఁగ నోడవు రుక్మిణీపతీ.

⁠ 67

ఉ.⁠

వేసటఁ జెంది వేసములు వేయివిధంబులుగా నొనర్చుచున్ వీసముడబ్బుచొప్పునను విత్తములక్ష గడించినన్ దుదిన్ గాసును వెంటరాఁగలదె కాండజనేత్ర గణించినన్ భవ ద్భాసురపాదభక్తి వసువారముదక్కువ రుక్మిణీపతీ.

⁠ 68

చ.⁠

పిలిచినఁ బల్కవేమిటను బేదలపాలిటి దైవరాయ నిన్ గొలచెద నింకనైన ననుగూరిమి నేలుము నేలవేనియున్ బలుచందనంబు నీకు నిదె పాల్పడకుండునె లోకమందునన్ బలుచల మేల నాపయిని పంకజలోచన రుక్మిణీపతీ.

⁠ 69

ఉ.⁠

సుందరఫాలమం దిడిన చొక్కపుఁగస్తురిచుక్కయందు నం దందు నుయాలలూగుచు సమంచితకాంతిని రావిరేక చె న్నొందఁగ నందమందిరమునొద్ద నమందముగా యశోద నా నందముఁ జెందఁజేయు యదునాయక కేశవ రుక్మిణీపతీ.

⁠ 70

ఉ.⁠

ఆసలఁ జెంది విత్తముల నన్యుల కీయక యంత్యమందునన్ గాసును జెందలేక నరకంబుల నొంది తపించుచుంద్రు నీ దాసులునై నిరంతరపదద్వయభక్తిఁ జెలంగువారికిన్ వేసట లేల చెందు యదువీరశిఖామణి రుక్మిణీపతీ.

⁠ 71