పుట:2015.391574.BHAKTIRASA-SHATAKA.pdf/216

రుక్మిణీపతిశతకము

205

⁠

ర్వాణఫలప్రదాత యదువర్ధన కృష్ణ ముకుంద యన్యనిన్ జాణతనంబునన్ వినుతి సల్పినఁ గాచితి రుక్మిణీపతీ.

⁠ 50

ఉ.⁠

వ్రేతలచేలముల్ మిగులవేడుక మ్రుచ్చిలితెచ్చి వారి న త్యాతతమానభంగమున నానతశీర్షలఁ జేయుచున్ మనో జాతనికేతనంబులకుఁ జాటుగనుంచ కపాలమందునన్ జేతులు మోడ్ప వస్త్రములు శీఘ్రత నిచ్చితి రుక్మిణీపతీ.

⁠ 51

ఉ.⁠

చిన్నతనంబునన్ విసపుచేవునఁ బాలనొసంగుపూతనన్ మన్నిగొనంగఁజేసితివి మద్దులఁ గూల్చితి బండి సాకునన్ భిన్నము గాఁగఁ దన్నితి వభీరుత నీచరితంబు నెన్నఁగాఁ బన్నగభూషణుండయినఁ బాల్పడ నేర్చునె రుక్మిణీపతీ.

⁠ 52

ఉ.⁠

కొన్నిదినంబు లజ్ఞతను గొన్నిదినంబులు శైశవంబునన్ గొన్నిదినంబు లంగనలకూరిమినిన్ మఱికొంతకాల మ త్యున్నతచింతచే వగలనొందుచు నుందురుగాక నెన్నఁగా నెన్నఁడు మీపదాబ్జముల నెన్నరు మూర్ఖులు రుక్మిణీపతీ.

⁠ 53

ఉ.⁠

నీవె ధనంబు బంధుఁడవు నీవె సఖుండవు నీవె తల్లియున్ నీవె గురుండు దాతయును నీవె శరణ్యుఁడవంచు నెమ్మదిన్ దేవరవారిపాదములు దిక్కని నమ్మితి నింకనైన నన్ గావుము దేవదేవ హరి కంజవిలోచన రుక్మిణీపతీ.

⁠ 54