పుట:2015.391574.BHAKTIRASA-SHATAKA.pdf/209

వికీసోర్స్ నుండి
ఈ పుట అచ్చుదిద్దబడ్డది

198

భక్తిరసశతకసంపుటము


ఉ.

భక్తచకోరజాలపరిపాలనచంద్ర ధురావహంబులై
దిక్తటసంచరద్రుచుల దీప్తములౌ భవదీయపాదసు
వ్యక్తనఖాంకురంబు లనయంబును మామకచిత్తవీథి సం
సక్తత నొందఁజేయఁగదె సారసలోచన రుక్మిణీపతీ.

21


ఉ.

నందునియందు నాద్రుపదనందినియందు యశోదయందు నా
మందలయందు మౌనిజనమండలమందును భీష్మునందు నే
చందమునన్ గనంబడెనొ చక్కనిమీకరుణాకటాక్ష మా
చందము నమ్ము దైచ్ఛికము సల్పుము నీ విఁక రుక్మిణీపతీ.

22


ఉ.

శంకరమిత్ర నీచరణసారస మాత్మ నిరంతరంబు ని
శ్శంకఁ దలంచువారల కసాధ్య మొకించుక లేదటంచు నే
భాంకరణంబుమీఱఁగ శుభంకరభేరిగజంబు నెక్కి యా
తంకము లేక సాటెదను దారగుణాకర రుక్మిణీపతీ.

23


ఉ.

కోరితి మీపదాంబుజము కూరిమిచేఁ బరదేవతాతతిన్
జేర నదెట్లటన్న; మదసిక్తమతంగజగండమండలీ
చారుతరస్థితిం బరగుషట్పద మొందును గాక యుజ్జ్వల
త్సైరిభ మొందునే వికచసారసవాసన రుక్మిణీపతీ.

24


ఉ.

మిమ్ముల నమ్ముకొంటి నిటమీఁద మఱెవ్వరి వేఁడనంటి మీ