పుట:2015.391574.BHAKTIRASA-SHATAKA.pdf/190

వికీసోర్స్ నుండి
ఈ పుట అచ్చుదిద్దబడ్డది

గొట్టుముక్కల రాజగోపాలశతకము

179


మ.

పదియార్వేవురుగోపకన్యకలునున్ భార్యాష్టకంబున్ శుభా
భ్యుదయం బొప్పగఁ బుత్రపౌత్రనిచయంబున్ గల్గు త త్తత్ప్రియ
ప్రదసంసారివి నిత్యభక్తినిరతవ్యాసాంబరీషాదిభ
క్తదయాకారక గొట్టు...

61


మ.

అనయంబున్ నిను పారిజాతకుసుమం బర్థింప మేలంచుఁ జ
య్యన నింద్రాదుల గెల్చి తెచ్చితివి సత్యావాంఛితార్థంబు నం
దనమందారము వల్లవీనిచయచేతఃపంజరాంతర్మిళ
ద్ఘనకేశీశుక గొట్టు...

62


మ.

ప్రసభప్రౌఢి ప్రసేను జంపెనని సత్రాజిత్తు నీయందు నిం
ద సమర్థించినఁ దచ్ఛమంతకనిమిత్తం బేగి యుగ్రాజిలో
వెస భల్లూకపతిం జయించి మణి నీవే యిచ్చితౌ భక్తము
ఖ్యసమాసాధ్యక గొట్టు...

63


మ.

సముదంచద్గతి నీవు పాండుసుతపక్షంబైన కారుణ్యసం
భ్రమ మేపారఁగ హస్తినాపురముఁ జేరంబోవు నెయ్యంపుఁజం
దమువర్ణింపఁ దరంబె! సామజపరిత్రాణార్థచక్రప్రశి
క్షమహావక్రక గొట్టి...

64


మ.

ఖచరాధీశ్వరుఁ దోలి ఖాండవవనగ్రాసంబు గాండీవిచే
శుచికిన్ దచ్ఛుచిచేత గాండివధనుస్తూణీరముల్ క్రీడికిన్