పుట:2015.391574.BHAKTIRASA-SHATAKA.pdf/152

వికీసోర్స్ నుండి
ఈ పుట అచ్చుదిద్దబడ్డది

మహిషాసురమర్దనిశతకము

141


చ.

నిరతము నీకథామృతము నిశ్చలతన్ భజియింపఁగంటి నీ
చరణసరోరుహంబులకు సాగిలి మ్రొక్కులిడంగఁగంటి నీ
పరమదయారసప్లుతికిఁ బాత్రుఁడనైతి నిఁ కేమిశంక నా
కరయ ఫలించెఁ గోర్కి మహిషా...

98


చ.

నిను వినుతింతు నంచు నొకనిక్కపుమిక్కిలిసత్కవిక్రమం
బునఁ బనిపూనినాఁడఁ జలమూని పిపీలిక కొండఁ దాల్పఁబూ
నినగతి గాదె యింతటికి నీకృప భక్తులపై సుధారసా
యనము నిజంబుసుమ్మ మహిషా...

99


ఉ.

వారిజసంభవాద్యమరవర్గ మనర్గళలీల నీకథల్
ధీరత నాగమార్థఫణితిన్ నిరతంబు గృతుల్ రచింపఁగా
నే రచియించునల్పకృతి నీకిది గణ్యమె యైనఁగాని నీ
కారయ తుల్యబుద్ధి మహిషా...

100


ఉ.

శ్రీరమణీవిశేషగుణచిహ్నిత వీవు భవత్కృపాప్తిచే
ధీరుఁడ కశ్యపాన్వయుఁడ దిట్టకవీంద్రుడ రామచంద్రుఁడన్
గారవ మొప్ప వృత్తశతకంబురచించితి దీని సన్మణీ
హారముగా గ్రహింపు మహిషాసురమర్దని పుణ్యవర్ధనీ.

101


మహిషాసురమర్దనిశతకము సంపూర్ణము.