పుట:2015.391574.BHAKTIRASA-SHATAKA.pdf/138

వికీసోర్స్ నుండి
ఈ పుట అచ్చుదిద్దబడ్డది

మహిషాసురమర్దనిశతకము

127


ఉ.

ఆకమనీయదివ్యనవయౌవనచంద్రకళోదయంబుచేఁ
బ్రాకటలీలయన్ జలధిపైకొనఁ దత్పరిదృశ్యకంబు బి
బ్బోకవదాత్మకంధరము బొల్పెసలారఁ దనర్చుతల్లి నీ
యాకృతి సంస్మరింతు మహిషా...

36


చ.

విలసితరత్నముద్రికలు వ్రేళ్ల ధరింపఁ దదీయదీధితుల్
దలకొని సాంధ్యరాగముల ధర్మముఁ దాలిచి కెంజిగుళ్లు లీ
లల నఖపంక్తికిం జిలుగులత్తుకగాఁ గళలుబ్బుతల్లి న
న్నలరఁగఁ జేయవమ్మ మహిషా...

37


ఉ.

మేదురరూపయౌవనసమృద్ధియనం దనరారువార్ధికిన్
క్షోదపుఁబూఁతగల్గు చనుగుత్తులవ్రేగునఁ దూఁగుకౌనుపై
భేదములౌ తరుల్ తరళవీచులుగా విలసిల్లుతల్లి న
న్నాదుకొనంగదమ్మ మహిషా...

38


చ.

పరగ గభీరనాభి యనుబావికిఁ గ్రేవఁ దనర్చు నాచుక్రొం
బొరయన నొప్పు నాయుదరభూషణమై విలసిల్లు సత్కటీ
నిరుపమసూత్రనిక్వణననిర్జితమారగుణార్భటీమనో
హరనిధి వైనతల్లి మహిషా...

39


చ.

చెలువుగఁ బద్మరాగములు చెక్కిన చక్కని మేఖలల్ సము
జ్జ్వలమగుశ్రోణిచేఁ గనకశైలనితంబము ధిక్కరించి పి