పుట:2015.390519.Shashamka-Vijayamu.pdf/89

వికీసోర్స్ నుండి
ఈ పుట అచ్చుదిద్దబడ్డది

చతుర్థాశ్వాసము

89


చ.

ఒకతొడ సందిట న్జొనిపి యొక్కతొడ న్వెలిఁ జేసి యొక్కచే
రక మగుగుబ్బచ న్నొకకరంబునఁ బెన్నరిగొప్పుఁ బట్టి త
త్తకతకతాళమానముల దారిగఁ గూడెడునన్నుఁ జూచుచున్
బకపక నవ్వు నావలపుబంగరుబొమ్మను జూచు టెన్నఁడో.

65


సీ.

వెనుదీయకు మటంచు వెడవిల్తుఁ డాడించు
        జంత్రిపోలిక కీలుజడ నటింప
స్మరసంగరంబునఁ గురియుపువ్వులవాన
        క్రమమున సరులముత్యములు రాల
మరుఁ డనుజెగజెట్టి బిరుదుఢక్కికమాడ్కి
        గళరవంబులఘుమత్కార మెసఁగ
చిత్తజురాజ్యాభిషేకాంబువులభంగిఁ
        దొడరిన చెమటబిందువులు చెలఁగ


గీ.

మదనవరదేవతాధ్యానమహితనిష్ఠఁ
బోలి యఱమోడ్పుకనుదోయి పొలుపు మిగుల
మగసొగసుఁ జూపె నాయింతి మరునిదంతి
పగడసాలను గెల్చినపంతమునను.

66


శా.

ఏమా టాడిన జాళువారు నమృతం బేయంగ మీక్షించినన్
హేమంపుందళుకు ల్తళుక్కను బలే యేదిక్కు ముద్దాడినన్
ఏమో చక్కెరలప్ప లంటినటు లౌ నెచ్చోట చే సాఁచినం
బ్రేమం బెన్నిధి యబ్బిన ట్లగు నయారే! యా యొయారే తగున్.

67


సీ.

కళుకుబంగరుచాయ గాజు లల్లన మ్రోయఁ,
        గులికి పక్కకు హత్తి కొంతసేపు
తనివి దీరక పేర్చి తనపైకి ననుఁ దార్చి,
        వంతుగా సమరతిఁ గొంతసేపు
అది చాల కెదురెక్కి యనురాగమున మ్రొక్కి,
        వింతహత్తింపులఁ గొంతసేపు
కసి దీఱ కటు లేచి గ్రక్కునఁ దమి రేఁచి,
        కుఱుచగోరింపులఁ గొంతసేపు


గీ.

గొనబుకోకిలరవములఁ గొంతసేపు
కొసరువగ గుల్కుపల్కులఁ గొంతసేపు