పుట:2015.390519.Shashamka-Vijayamu.pdf/78

వికీసోర్స్ నుండి
ఈ పుట అచ్చుదిద్దబడ్డది

78

శశాంక విజయము


న్నతి నొక్కంటఁ గొఱంత లేదచట చానా! నామది న్నీదుసం
గతి లేకుండుట యొక్కటే కొదున యోగక్షేమమే నీ కిటన్.

7


మ.

అని వాచస్పతి పల్కువేళ శశి సాష్టాంగంబుగా మ్రొక్కి ని
ల్చిన దీవించి కుమారకా! సుఖమె బాళిన్ శాస్త్రము ల్నీవు చిం
తన గావింతువె భోజనాదివిధులన్ మద్భార్య నిన్ బ్రేమచే
తను బోషించునె యగ్నిహోత్రమును నిత్యంబు న్విచారింతువే.

8


క.

అనుటయు శాస్త్రంబును చిం
తన సేయుదు మీవధూటి తాత్పర్యముతో
ననుఁ బ్రోచు నన్నివిధముల
ననిన స్సంతుష్టహృదయుఁ డై గురుఁ డంతన్.

9


క.

కాంతామణియును జంద్రుఁడు
మంతనమునఁ జెలఁగి మెలఁగుమార్గముఁ జూడన్
వింతగఁ దోఁచిన మది నొ
క్కింతయునున్ సంశయించి యెఱబఱికమునన్.

10


క.

వీరలచందముఁ గన నొక
తీరై యున్నయది గురుసతీశిష్యవిధం
బారయఁ జూడంబడ దా
నారాయణుఁ డెఱుఁగు నే మన న్గలవాఁడన్.

11


క.

కాని మ్మైనను జూతము
నానాఁటికి వీరు నడుచునడక పరిచయం
బైనట్టిమందెమేలమొ
కానియెడ న్కిల్బిషంబు గలదో యనుచున్.

12


మ.

పరికింప న్మఱి వార లబ్బినయెడన్ భావంబులన్ గొంకకన్
పరిహాసంబులు కన్నుసన్నలును భ్రూభంగంబులు స్మర్మముల్
సరసోక్తు ల్పచరించువైఖరుల నెల్లం గాంచి కోపించి యా
తరుణిం జేరఁగఁ బిల్చి రోష మిగురొత్తం బల్కె గద్దించుచున్.

13


ఉ.

ఓసి యిదేమి యీనడత యొప్పదు సాధ్వి వటంచు నమ్మితిన్
మోసము వచ్చె వీని నతిమూర్ఖుని శిష్యుఁ డటంచు నెంచితిన్
వాసవముఖ్యసర్వసురవర్ణితచర్యుఁడ నై చరించునా
వాసియు వన్నెయుం దొఱఁగి వచ్చెను దుర్యశ మేమి చెప్పుదున్.

14