పుట:2015.390519.Shashamka-Vijayamu.pdf/73

వికీసోర్స్ నుండి
ఈ పుట అచ్చుదిద్దబడ్డది

తృతీయాశ్వాసము

73


లేరుగా యంచు సదనంబుఁ బారఁజూచి
యల బలము లేనినిజమందిరాంగణమున.

100


శా.

పన్నీటం జలకంబు లాడి నునుజాళ్వాయంగదట్టంబుతో
బన్నీటందపుజల్వఁ గట్టి హరు వొప్పన్ దావిగంధంబు మే
న న్నిండార నలంది జాజివిరిదండ ల్జుట్టి జవ్వాజిరే
ఖ న్నెమ్మోమునఁ దీర్చి నూత్న మగుశృంగారంబు రంగారఁగన్.

101


గీ.

కాంతునట్లనె కైచేసి కళ్కుపసిఁడి
తమ్మి మొగ్గల వ్రాఁతయందంపుజిగులు
దుప్పటిని కట్టఁగా నిచ్చి తోడుకొనుచు
వచ్చి వాఁకిటితలుపు తీవ్రముగ వైచి.

102


సీ.

కసటు వోఁ బన్నీటఁ గడిగి పువ్వులతావి,
        వల నైనకమ్మజవ్వాజివలపు
నెఱపెడిసుగటీలగరులగాడ్పులు సోఁకి
        పలుకుకిన్నెరతంతి యళుకు కులుక,
కెరలి యల్గించుకోకిలపల్కుతమి కింపు,
        నింపుకెంపులగుంపు నిగ్గుజగ్గు
చప్పరకోళ్లమంచము సఖి నెలపాన్పు,
        తలగడ బటువుబిల్లులును జిల్గు


గీ.

తెరయు చౌశీతిబంధంబుటరిదిపటము
లగరుసాంబ్రాణిధూపంబుపొగలు నూడి
గమ్ము లొనరించుకీల్బొమ్మ గమియుఁ గల్గి
వెలయుపడకింట నాదంట విభునిజంట.

103


చ.

జిలిబిలితేనియ ల్చిలుకుచెందొవచందువక్రింద నంద మై
చలువలఁజిల్లుసన్నవిరజాజులపాన్పునఁ గమ్మతెమ్మెర
ల్పొలయఁగ నుండి ప్రాణవిభుమోముఁ గనుంగొని లేఁతవెన్నెల
ల్దలకొన నవ్వుచున్ దమిఁ జెలంగి పునారతికౌతుకంబునన్.

104


చ.

గమగమవాసన ల్దెసలఁ గప్పఁగ నొప్పగుకప్పురంపుబా
గము లపు డిచ్చి లేఁతవిడిగాఁ దగుగేదఁగిఱేకుటందపుం
దములపుటాకుమడ్పులును దా నొసఁగం గొఱి కిమ్మటంచు నా
రమణుఁడు మోము ద్రిప్పుటయు రాజముఖీమణి యట్ల చేయుడున్.

105