పుట:2015.390519.Shashamka-Vijayamu.pdf/65

తృతీయాశ్వాసము

65

⁠

మోముఁ జూచిన శశిరేఖమోడి యమరె మాటపోడిమిఁ జూచిన మంజుఘోష.

⁠ 50

ఉ.⁠

పన్నగకన్యల న్మనుజభామల యక్షసరోరుహాక్షులన్ గిన్నరసన్నుతాంగులను ఖేచరభామల సిద్ధకాంతలన్ జన్నపువిందుసుందరులఁ జారణవారణరాజయానలన్ గన్నది కాదె దీనిమెయి కైపులు వైపులు చూడ మెచ్చటన్.

⁠ 51

గీ.⁠

చూడకుండంగఁ గూడ దీసుదతిసొబగు చూచినంతనె మదిలోనఁ జొచ్చెఁ బాళి యేమిటికి వచ్చె నిచటికి నిందువదన యెట్టులున్నదొ యింక రతీశ్వరాజ్ఞ!

⁠ 52

క.⁠

అని చింతించుచు నుండఁగ వనజాయతనేత్ర వచ్చి వానిసమీపం బునఁ గూర్చుండెను మేనం గొన బగుజవ్వాదితావి గుబులుకొనంగన్.

⁠ 53

గీ.⁠

వచ్చి కూర్చున్న వాఁడు నవ్వన్నెలాడిఁ జూచి ధృతి గుంది యందంద చోద్య మంది తనువు పులకింపఁ జిత్తము తత్తరింప వివశతను జెంది మగుడ వివేక మొంది.

⁠ 54

క.⁠

ఏటికి వచ్చితి నే నీ తోఁటకు నిం దేల వచ్చెఁ దోడ్తోడనె యీ బోటి మరుండు మనోధన పాటచ్చరుఁ డేమిపాటుఁబడ నున్నాఁడో!

⁠ 55

క.⁠

నిలువర మయ్యెను మును నా తలఁచినయది మది విరాళి తహతహపడి తా నెలమిన్ బైకొనవచ్చెను గలకంఠుల నమ్మరాదుగా కల నైనన్!

⁠ 56

క.⁠

ఐనను గానీ నాచే నైనగతి న్నిలిపి చూతు ననుచిత మగుచో నౌనా మోహం బనుచున్ మానవతం జూచి న్యాయమార్గము దోఁపన్.

⁠ 57