పుట:2015.390519.Shashamka-Vijayamu.pdf/56

56

శశాంక విజయము

⁠

జించి సారస్య మంతయు వంచినట్లు నిమ్మపండ్లరసంబున నెలఁత యంటె.

⁠ 10

మ.⁠

తరుణీరత్నము బాలకైతకదళోదంచన్నఖాగ్రంబులన్ గురులన్ మెల్లనఁ జీరిపాయ లిడి చిక్కుల్ పాయఁగాఁ బ్రాముచున్ గరపంకేరుహరత్నకంకణఝణత్కారంబు తోరంబుగా వరగంధామలకంబుఁ బెట్టెను సుధావారాశితొల్పట్టికిన్.

⁠ 11

ఉ.⁠

జాఱుపయంటఁ జెక్కి బిగి చన్గవ నిక్కఁగ బాహుమూలశృం గారరుచు ల్వెలిం బొలయఁగా నగుమోము చెమర్ప రత్నకాం చీరవము ల్సెలంగ నభిషేక మొనర్చె లతాంగి వానికిన్ మారునిమాఱు సాగరకుమారునిఁ బట్టము గట్టెనో యనన్.

⁠ 12

సీ.⁠

పసమించుమాదరపాకపోరువలచేఁ         దడియార నొత్తి కుంతలము లార్చి, సాంబ్రాణిధూపవాసన నించి జవ్వాది         చేనంటుచును కురు ల్చిక్కు దీర్చి, అఱవిరివిరిజాజివిరులు చుట్టినజాఱు         సిగను జంటరుమాల సొగసుపఱిచి, తళుకునిచ్చలపునెత్తమిపూవులబంతి         పుట్టంబు హొయలు గాఁ గట్టనిచ్చి,

⁠

గీ.⁠

కమ్మకస్తురిచేఁ దిలకమ్ము దీర్చి యొంటివజ్రంపుబావిలీ లుంగరాలు చేసరాలును సరిపెణ ల్చిలుకతాళి పంకజేక్షణ వాని కలంకరించె.

⁠ 13

చ.⁠

బలురతనంపుఁజక్కడపుఁబళ్లెర ముంచి పసిండిగిండిలో సలిలము నుంచి ముత్యసరిసన్నపుబియ్యపుటన్న మొల్పుఁబ ప్పులుఁ బొడికూరగుంపు కలుపు ల్వడియంబులు చారు లూరగా యలు కలవంటకాలు పరమాన్న మిడెన్ లలితాంగి వానికిన్.

⁠ 14

సీ.⁠

విరహాగ్ని నీరీతి గరఁగె నామానసం         బనినట్ల వెన్న గాచినఘృతంబు, పాలఁబోల్వయసు నీపాలుసేయుట కిదె         యానవా లన్నట్టు లానవాలు,

⁠