పుట:2015.390519.Shashamka-Vijayamu.pdf/54

శ్రీరస్తు

శశాంకవిజయము

తృతీయాశ్వాసము

⁠

శ్రీరంగపతిపదాంబుజ సారంగచ్చిత్త! చిత్తజాతజయంతా కారా! కవిమందారా! శ్రీరాంభోనిధిగభీర! సీనయధీరా!

⁠ 1

వ.⁠

అవధరింపుము సూతుండు శౌనకాదిమునీంద్రుల కిట్లనియె నవ్విధంబున బృహస్పతి దివస్పతిసదనంబునకుంజనిన యనంతరంబ యిక్కడ.

⁠ 2

ఉ.⁠

ఒంటిగ నబ్బెఁ జంద్రుఁ డిపు డొంటిగ వాతెరజుంటితేనియల్ గెంటనిప్రేమఁ గ్రోలి రని కేళిని దేలక యున్నముత్యపుం బంటవలంతివింటిదొరబారికి నోరువలే నటంచు నా తుంటరిగుబ్బలాఁడి వగతో విగతోరువివేకపాకయై.

⁠ 3

గీ.⁠

గురునివెంబడిఁ దా నొకకొంతదూర మరిగి యాతనియనుమతి నంబుజారి క్రమఱఁగ వచ్చునాలోనఁ గంబుకంఠి పట్టఁగూడనితమకంబు నెట్టుకొనఁగ.

⁠ 4

సీ.⁠

సరసాన్నపానము ల్శాకపాకంబులు         వింతవింతగఁ జేసి దొంతి నునిచి, యొప్పైననలుగులు నుష్ణోదకంబులు         నొనర మజ్జనగేహమున నొనర్చి, చెలువొందువలువలు వెలహెచ్చుసొమ్ములు         పొందళ్కుతట్టలఁ బొందుపఱిచి, కుంకుమంబు రసంబు గోరజవ్వాజియు         రతనాలగిన్నెల జతనపఱిచి,

⁠