పుట:2015.390519.Shashamka-Vijayamu.pdf/49

వికీసోర్స్ నుండి
ఈ పుట అచ్చుదిద్దబడ్డది

ద్వితీయాశ్వాసము

49


బన్నుగ నాతని ఫలసం
పన్నుఁగఁ జేయఁ దగు శిష్యవత్సల! యనినన్.

122


క.

హృదయమున సమ్మోదము
గదుర సురాచార్యుఁ డట్ల కాని మ్మనుచున్
మది రాగము కుదు రారఁగ
మదిరాయతనేత్రఁ జూచి మధుమధురోక్తిన్.

123


పంచచామరము.

పయోజపత్రనేత్ర! గోత్రపత్త్రభంజనుండు స
త్ప్రయోగ మైనయాగ మర్థి తా నొనర్చుపూనికిన్
బ్రియంబునన్ రయంబు మీఱఁ బిల్వఁ బంచె నన్నయో!
వియోగవేగ మెట్టు లోర్తువే గజేంద్రగామినీ!

124


శా.

ముల్లోకంబుల నేలురాజు సవనంబున్ దీర్ప రమ్మన్నచో
నుల్లంఘింపఁగ రాదు గావునఁ దదుద్యోగంబు గాఁ జేసి సం
పల్లాభంబున వేగ వత్తు నిపు డాత్మన్ ఖేదముం జెందకే
యిల్లున్ వాకిలిఁ జూచికొమ్ము మదమత్తేభేంద్రకుంభస్తనీ!

125


చ.

అలకలు దువ్వరాదు సరసాన్నములన్ భుజియింపరాదు మై
కలప మలందరాదు తిలకంబు రకంబుగ దిద్దరాదు సొ
మ్ములు గయిసేయరాదు సుమముల్ ధరియింపఁగరాదు సాధ్వియౌ
నలినదళాయతాక్షికిని నాథుఁడు చెంగట లేక యుండినన్.

126


గీ.

కాన నీవును మారాక మానసమునఁ
గోరి యీరీతి సత్పథాగారగరిమ
మీఱ నుండుము చారుచకోరనేత్ర!
నీవెఱుంగనినీతి నిర్నీతి గలదె.

127


చ.

మఱియొకమాట బోటి వినుమా మనమారసి యీడ కేము క్ర
మ్మఱఁ జనుదెంచునంతకును మాప్రియశిష్యుఁడు చంద్రుఁ డన్నిఁటన్
వెఱవరి నీమనం బరసి వేడ్క మెలంగుచు నింట నుండు నీ
వఱమఱ లేక కావలయునట్టిపను ల్గొను మంబుజాననా!

128


చ.

వయసున బాలుఁ డయ్యుఁ బరువంబగుతెల్విని జాలపెద్ద యెం
తయు గృహకృత్యవర్తనల నన్ మఱపించును నిచ్చలున్ సుఖో