పుట:2015.390519.Shashamka-Vijayamu.pdf/48

వికీసోర్స్ నుండి
ఈ పుట అచ్చుదిద్దబడ్డది

48

శశాంక విజయము


విలులితసురభిళవేణీచాలన
లలితసుపరిమళలహరీఖేలన
సరణికఁ బోదలుచుఁ జల్లగఁ గదలుచు
విరులను గురియుచు విరహుల నొరయుచుఁ
గమలము లంటుచుఁ గలువల నొంటుచు
స్తిమితతఁ గులుకుచుఁ దేనెలుఁ జిలుకుచు
నలసతఁ దూలుచు నళితతిఁ దోలుచు
మలసెను దారము మలయసమీరము.

118


సీ.

ఏలాలతాజాలడోలాసమాలోల
        బాలామణీగానభాసురములు
ధీరానిలవ్రాతధారాచలచ్చూత
        దూరాపతద్రజోధూసరములు
మోదావహాంగనవేదాభరవభృంగ
        ఖేదావహజ్జాతికేసరములు
నాళీకదృక్కాంతపాళీనవైక్రాంత
        కేళీపరిన్యూతకేసరములు


గీ.

కనఁ దగె నకుంఠకలకంఠకంఠనాద
పటుభటాహ్వానకుపితబిభ్యత్ప్రపంచ
పంచసాయకమదహస్తిపైసరములు
మీసరములు మధుమాసవాసరములు.

119


క.

ఆమని యేమని చెప్పెద
నామనికిన్ వికచకుసుమితారామతరుల్
కామనిరంతరకీర్తి
స్తోమముగా నిఖిలదిశల సొబ గొందునెడన్.

120


చ.

ప్రతతభుజానిరర్గళపరాక్రమపాలితలోకుఁడౌ శత
క్రతుఁ డపు డత్యుదారత నొకానొకయాగము సేయఁ బూని దై
వతగురుఁ డైనయాంగిరసుపాలికిఁ జారునిఁ బంప వాఁడు శీ
ఘ్రతఁ జనుదెంచి గీష్పతినిఁ గాంచి జొహారొనరించి యిట్లనున్.

121


క.

తిన్నగ జన్నము సేయుమ
తి న్నగవైరి నను బంచె దేవరకడకుం