పుట:2015.390519.Shashamka-Vijayamu.pdf/37

ద్వితీయాశ్వాసము

37

⁠

సహజంబుగా వధూజనులఁ జూచుట మాని         సొలపున నోరగాఁ జూడఁ గలిగె వేడ్క బాలురతోడ విహరించుటలు మాని         సరసులతోఁ జెల్మి సలుపఁ బూనె

⁠

గీ.⁠

వటువు జిగిమోవి మెఱయ నవ్వుట లెఱింగె వింతవింతగఁ గైసేయువితముఁ దెలిసె మొలకమీసలు వడి గొల్పు మురువు నేర్చె రసికతానందశృంగారరసము నేర్చె.

⁠ 65

ఉ.⁠

వాని యొయారవున్నడలు వానిచకచ్చక లీనుపొన్నొడ ల్వానిరుటంపుఁబెందొడలు వానిరువారపుసిబ్బెపుంబొడ ల్మానవతు ల్గనుంగొనిరి మానసవీథి మనోరథానుసం ధానము పూని సూనశరదారితభూరితరాభిమానలై.

⁠ 66

సీ.⁠

కులుకుఁ జూపులను గల్గొననియేణాక్షియు         ననురక్తిఁ గననిబింబాధరయును బలుక నుంకింపనిచిలుకకొలికియుఁ         దమి జెంది కుందనికమలముఖియుఁ బెనఁకువ కాసఁ జేయనిలతాతన్వియుఁ         బారవశ్యంబుఁ దాల్పనిప్రమదయు ఘన మైనమరుకాఁక గొనని హేమాంగియు         సరసతఁ జెందనిజలదకచయు

⁠

గీ.⁠

డాసి దయ నేలు మనుచు వేఁడనియబలయుఁ గదిసి కేలెత్తి మ్రొక్కనిగజగమనయు లేదు ధారుణిలోఁ గల్గు లేమలందు జవ్వనంబున రేరాజు నివ్వటిల్ల.

⁠ 67

ఉ.⁠

హాటకగర్భునంశ నమృతాంశుఁడు నుజ్జ్వలమూర్తి యౌజగ న్నాటకసూత్రధారకుమనం బలరంగ మెలంగినట్టియ మ్మేటి కళానిధిత్వమున మించినవాఁ డెలజవ్వనంబు స య్యాటలు మీఱుచోఁ గువలయాక్షుల కిం పొనరించు టబ్రమే.

⁠ 68

ఉ.⁠

ఆలలితంబు లాసొగసు లానెఱజాణతనంబు లాకళా శాలిత యాసురూపరుచిసంపద లాహవణింపుసొంపులున్

⁠