పుట:2015.390519.Shashamka-Vijayamu.pdf/26

వికీసోర్స్ నుండి
ఈ పుట అచ్చుదిద్దబడ్డది

శ్రీరస్తు

శశాంకవిజయము

ద్వితీయాశ్వాసము

శ్రీవిజయరంగచొక్క
క్ష్మావిజయగురుప్రసాదసంపన్నిత్యా
శ్రీవరదాచార్యమణి
శ్రీవరదాస్యైకకృత్య సీనామాత్యా!

1


వ.

అవధరింపుము సూతుండు శౌనకాదిమహామునీంద్రుల కిట్లనియె.

2


శా.

ఆలీలన్ గమలాసనుండు చన నయ్యాజ్ఞాపనం బౌదలన్
బాళిం గైకొని విశ్వకర్మ యుచితాభ్యాసైకశిల్పక్రియా
శాలిత్వంబు ప్రతిష్ఠ గాంచఁగఁ బ్రతిష్టానాఖ్యచే నెంతయున్
మేలౌపట్టణమున్ బ్రయాగమును నిర్మించెన్ జను ల్మెచ్చఁగన్.

3


క.

ఆపురివిభవము శివునకు
నూపుర మగుచిలువఱేఁడు నుతి సేయంగా
నోపు రహి గాంచనేరఁడు
కాపురమై లచ్చి యచట కదలక యుంటన్.

4


మ.

నగరీసౌధములన్ గుమారికలు వీణ ల్మీటుచో నీలపుం
జగతు ల్వజ్రపుగోడలుం జలముగా సప్తర్షిసంఘంబు మం
త్రగణోచ్చారణతో సితాసితసరిద్భ్రాంతి న్జలం బాడి యా
మగువ ల్నవ్విన భ్రాంతికిం బురుషధర్మత్వంబు సిద్ధింపఁగన్.

5


మ.

అఱజాబిల్లిమెఱుంగు బాసికముచాయం బూనఁగా తారక
ర్నెగయన్ జల్లినసేసఁబ్రాలకరణి న్నిండార సౌనర్గని
ర్ఝరిణీకంకణయుక్తకేతుకరకంజం బొప్పఁ దద్రత్నగో
పుర మాగోపురలక్ష్మి పెండి లయి యొప్పెన్ బ్రాప్తకల్యాణమై.

6