పుట:2015.390519.Shashamka-Vijayamu.pdf/22

22

శశాంక విజయము

సీ.⁠

కమలాశ్రయత్వసంగతిపరిభ్రాజితు         నభిమతార్యాధారతాభిరాము పరమహానందకపాలితాశ్రితలోకు         హంసాధికరణవిఖ్యాతియుక్తు వర్ణితఘనసానవర్ణాత్మకాధీశు         ద్విజరాజసంప్రాప్తదివ్యచరణు నురుతరసత్కృపాభ్యుపగతభద్రుని         సుజనసంస్తుతలసదజసమాఖ్యు

⁠

గీ.⁠

నిన్నుఁ గొల్చెద భక్తిమై నీరజాక్ష! యోవిరూపాక్ష! యష్టాక్షరోరుపక్ష! రక్షణసదీక్షయసదృక్షరమ్యవీక్ష! ఈక్షణమె నన్ను రక్షించు హితసమక్ష!

⁠ 27

చ.⁠

అని నుతి సేయునాయనసమంచితభక్తికి మెచ్చి వార లి ట్లనిరి మునీంద్ర! నీవలయు నట్టివరమ్ము లొసంగువారమై యనితరదర్శనీయమహితాకృతు లే మిట వచ్చినార మిం పెనయఁగ నీవు కోరినయభీష్టము లిత్తుము వేఁడు మిత్తఱిన్.

⁠ 28

చ.⁠

అనునపు డాతఁ డిట్లను మహామహులార! గుణాభిరాము లౌ తనయులఁ గోరి నే నిపుడు తత్పరతన్ దప మాచరించితిన్ ఘనతరకీర్తియుక్తుల జగన్నుతుల్ మిమువంటి పుత్త్రులన్ మనమునఁ గోరెదన్ గరుణ మన్నన మీఱఁగ నీయఁగాఁదగున్.

⁠ 29

మ.⁠

అనిన న్నవ్వుచు మమ్మువంటిసుతు లెం దైనన్ గలారే జగం బున నత్రీ! విను మేము మువ్వురము త్వత్పుత్త్రాకృతుల్ దాల్చి మీ యనురాగం బొనఁగూర్తు మం చని యదృశ్యాకారు లై రట్టిచో సనసూయాసతి గర్భమయ్యె భువనాహ్లాదంబు సంధిల్లఁగన్.

⁠ 30

చ.⁠

నెల మసలెన్ శ్రమం బొదవె నిద్దపుఁజక్కులు వెల్ల నయ్యె వే విళు లుదయించెఁ జన్మొనల వీఁకయుఁ గప్పును దోఁచెఁ జిట్టుముల్ వెలసెను రోమరాజి గనిపించె రుజంబుగఁ గౌను పైఁబయిన్ బలిసె వళుల్ సెలంగె జడిమంబు నడన్ గనిపించె నింతికిన్.

⁠ 31

క.⁠

ఈమాడ్కిని దద్గర్భము శ్రీ మెఱయుచు వృద్ధిఁ జెందఁ జేడియ తగెఁ జిం

⁠