పుట:2015.390519.Shashamka-Vijayamu.pdf/138

138

శశాంక విజయము

⁠

నిప్పు డిత్తన్వి గురునకు నొప్పగింపు మేను పంచినపని చేయు టెగ్గు గాదు.

⁠ 119

చ.⁠

అని పరమేష్ఠి పల్కుటయు నట్లన కా కని చంద్రుఁ డయ్యెడన్ ఘనతరగర్భభార నఖకాంతివినిర్జితతారతారఁ దా ననునయసూక్తులం దెలిపి యంపినతోడనె దివ్యతూర్యని స్వనములు మ్రోసె మింట విరివానలు పర్వెను జంటజంటగన్.

⁠ 120

సీ.⁠

ఉడుపతిసంగతి నెడపి తాఁ జనలేని         వడువున నడలందు జడను దోఁప గుఱుతుగా రేరాజు విరహార్తిచేబలె         పాండిమ చెక్కుల మెండుకొనఁగ మది నున్నవనజారి యెదకప్పు పైకి వె         ల్వడె నాఁగఁ జన్మొన ల్నల్పు మీఱ రిక్కరాయనిబాయ దొక్కట గల్గిన         ట్లొక్కట మైకార్శ్య ముప్పతిల్ల

⁠

గీ.⁠

మనసు చంద్రునికడ నుంచి మ్రానుపడిన తనువుతో గర్భగౌరవతాంత యగుచు చిన్నవోయిన మోమున సిగ్గు దోఁప నాంగిరసుచెంతకును జేరె నపుడు తార.

⁠ 121

చ.⁠

అమరులతోడ నప్పు డని రబ్జభవుండు భవుండు నగ్గురుం బ్రమదము మీఱఁగాఁ బిలిచి మావచనంబునఁ దారఁ జెందు మీ రమణి కశుద్ధి లే దమృతరశ్మిని బొందుటచేత దాన నీ కొమ పరిశుద్ధి గాంచెఁ గయికొమ్మనఁ గొమ్మ గురుండు చేకొనెన్.

⁠ 122

ఆ.⁠

రాజరాజసఖుఁడు రాజీవభవుఁడును చంద్రు నింద్రు సురలసదనములకుఁ బంచి గిబ్బతేజినంచకంఖాణంబు నెక్కి చనిరి విభవ మెసఁగ నపుడు.

⁠ 123

క.⁠

మృతసంజీవని సంజీ వితు లగునసురులును దాను విధుశివసమరో ద్ధతి చెప్పికొనుచు శుక్రుఁడు నతిహర్షము మీఱ నరిగె నంత యథేచ్ఛన్.

⁠ 124