పుట:2015.390519.Shashamka-Vijayamu.pdf/137

పంచమాశ్వాసము

137

గీ.⁠

జయ మహాదేవ! దేవతాజయదభావ ! జయ దయాకర! కరరాజజయతురంగ! జయ జితాసుర! విరచితసాధుసౌఖ్య! జయ గిరీశ గిరీశవేశ్మప్రశస్త!

⁠ 112

క.⁠

ఉపనిషదుక్తిశతంబులు ప్రపంచభర్త వగునిన్నె ప్రతిపాదించున్ జపహోమాధ్యయనవ్రత తపములకు న్ఫలము నీవ ధార్మికభావా!

⁠ 113

చ.⁠

అని చతురాసనుండు చతురాస్యముల న్నుతియించి యిట్లనున్ కనకగిరీంద్రచాప! విను కయ్యములో నెదిరించి వీఁకచే ననిమిషకోటి గెల్చుట మహాతిశయం బని యీశ! యీశశాం కునిఁ గరుణించి నీశరము కోపము నీ వుపసంహరింపవే.

⁠ 114

గీ.⁠

అనువిరించిమృదూక్తుల నాదరించి శంకరుఁడు పాశుపత ముపసంహరించి నిలుచునంత విధుండు వాణీనియంత పంచినశరమ్ము డించె జాలించె దురము.

⁠ 115

క.⁠

అజునకు నటుమును జితకా యజునకు శశి మ్రొక్కి నిలువ నత్తఱి యనురా గజముదమున రా రమ్మని గజముఖజనకుండు విధుని గౌఁగిటఁ జేర్చెన్.

⁠ 116

గీ.⁠

శంకరుండును పంకజాసనుఁడు కరుణ జంభరిపుముఖ్యసురభుజస్తంభనముల మాన్ప వారలు నాజగన్మాన్యులకును మ్రొక్కి నుతియించి నిలిచిరి మ్రోల నపుడు.

⁠ 117

మ.⁠

అరవిందాసనుఁ డప్పు డి ట్లనియె చంద్రా! యీచలం బేటికిన్ మరలం దార నొసంగుమి గురునకున్ మాయాజ్ఞచే నీ వనన్ పరమేష్ఠిం గని పల్కు దేవ ! విను నాపంతంబు దిక్పాలకు ల్కరము ల్గట్టక క్రమ్మఱన్ విడువ నీకాంతం గురుం జేరఁగన్.

⁠ 118

గీ.⁠

రాజ! నీచేతఁ జేయింతు రాజసూయ మప్పు డమరులు నీ కిత్తు రప్పనములు

⁠