పుట:2015.390519.Shashamka-Vijayamu.pdf/136

వికీసోర్స్ నుండి
ఈ పుట అచ్చుదిద్దబడ్డది

136

శశాంక విజయము


హ్మశిరోనామక మగుది
వ్యశరము ధాతకును మ్రొక్కి యాశశి దొడిఁగెన్.

106


శా.

ఆదివ్యాస్త్రమహాగ్నికీలములచే నంభోనిధుల్ గ్రాగె బ
ల్బూదై హేమమహీధరంబు గఱఁగెన్ భూతౌఘముల్ మ్రోసె ది
గ్వేదండంబులతో ధరిత్రి యొరిగెన్ వేధోండ మూటాడె మ
ర్యాద ల్దప్పెను తారకాగ్రహగణం బవ్వేళ భీతాత్ములై.

107


క.

సప్తర్షిముఖ్యు లతిసం
తప్తాత్మత నోర్వలేక ధాతం గని యీ
దీప్తాస్త్రవహ్ని ప్రళయము
ప్రాప్తం బైనట్లు దోఁచె భయ ముడుపఁగదే.

108


గీ.

ఎంత లే దని క్షణ ముపేక్షింతు వేని
మగుడ సృజియింపవలయు నీజగము నెల్ల
మాకుఁ గా వీరికయ్యంబు మాన్చి తార
నమరగురునకు నిప్పింప వయ్య! నీవు.

109


చ.

అన విని పల్కుకల్కిమగఁ డంత దయారసపూర మూరఁ బం
తున నునుపైడితమ్మివిరితూఁడులఖాణపుఁదేజి నెక్కి స
న్మునిగణము ల్ఫజింప నలుమోముల నవ్వు జనింప వచ్చె న
వ్వనరుహవైరియున్ త్రిపురవైరియుఁ బోరుచునుండుచోటికిన్.

110


గీ.

వచ్చి నిజవాహనము డిగ్గి వనజభవుఁడు
భవుఁడు దను జూడ వలగొని భక్తిమీఱ
మీర లీరీతిఁ జలమునఁ బోరఁ దగవె
తగవె మము కావ నని చాలఁ బొగడఁ దొడఁగె.

111


సీ.

జయజయ శతకోటిశతకోటిసమశూల!
        జయ భానుభానులసజ్జటాల!
జయజయ సుగుణోపచయచయనారాధ్య!
        జయ నీలనీలభాస్వరశిరోధి!
జయజయ భవభవసాగరతారక!
        జయ తారతారకాసదృశవర్ణ!
జయజయ శివ! శివాస్పదవామతనుభాగ!
        జయ సర్గదక్షదక్షమఖవైరి!