పుట:2015.390519.Shashamka-Vijayamu.pdf/130

130

శశాంక విజయము

⁠

జిత్తరుబొమ్మలో యన విచేష్టత నొందినయత్తఱిం జయో ద్వృత్తిని జంద్రుఁ డార్చెను విదిక్కులు దిక్కులు పిక్కటిల్లఁగన్.

⁠ 71

సీ.⁠

అంకురత్పులకజాలాంకితగాత్రుఁడై         భూషించె నలుమొగంబులను బ్రహ్మ గెలిచెఁ జంద్రుఁ డటంచు జలధరగంభీర         గరిమ ఘోషించెను గగనవాణి హర్షసంభ్రమసంభృతాత్ముఁడై చంద్రుని         పేర్మి కౌఁగిటఁ జేర్చె భృగుసుతుండు శంఖభేరీముఖస్వనములు విలసిల్ల         వనజారి నుతియించె దనుజబలము

⁠

గీ.⁠

కుంచ సారించుకొనుచు నికుంచనాది చిత్రగతులను జేతుల చెలఁగనాడె సమరహంవీరుఁడే జీవు చంద్రుఁడే య టంచు నారదమౌని ప్రియంబు పూని.

⁠ 72

చ.⁠

అనిమిషరాజి యీగతి మహాజిఁ బరాజితవృత్తి నొందుటన్ గని గురుఁ డాత్మలోన భయకంపము లుప్పతిలంగ గ్రక్కునన్ దినకరుఁ జేరఁగా నరిగి దీనతఁ దద్విధ మెల్లఁ దెల్పి మ మ్మును గృపఁ గావవే యనుడు మ్రొక్కి యినుం డతిభక్తి నిట్లనున్.

⁠ 73

క.⁠

వెఱ పేటికి నేఁ గలుగఁగ గురుఁ డగునీయాజ్ఞఁ బూని కువలయమిత్రున్ శరముల నైనను భీకర కరములచే నైనఁ ద్రుంతుఁ గర మరుదారన్.

⁠ 74

సీ.⁠

అని పల్కి జోడులేనట్టిబండిని మీఱు         తనతే రనూరుఁ డుద్ధతినిఁ దోల సీతాంశుపైఁ దాఁకి శితసాయకము లేయ         నాయమ్ము లతనియాయమ్ము లంటి గాయమ్ము లొనరింపఁగా వెండియు నినుండు         వాడిమయూఖము ల్వేఁడి మెఱయఁ బఱపి యుద్ధతిఁ జరాచరజంతువుల నెల్లఁ         బేలగింజలరీతి పెట్లఁ జేయ

⁠