పుట:2015.390519.Shashamka-Vijayamu.pdf/124

వికీసోర్స్ నుండి
ఈ పుట అచ్చుదిద్దబడ్డది

124

శశాంక విజయము


క.

మాయాదీవ్యంతులు శత
మాయాదినిశాటవరులు మఱలి చలమునన్
మాయారణమున దివిజుల
మాయఁగ జేయుటకు నైకమత్యము మెఱయన్.

41


సీ.

నగములై కూరపన్నగములై హలహల
        గరములై ప్రళయసాగరము లగుచు
ధరములై కాలాంబుధరములై యసిపత్త్ర
        వనములై ఝంఝాపవనము లగుచు
ఖరములై ద్విరదశేఖరములై పటుపాద
        రసములై కఱుకునారసము లగుచు
జలములై రక్తపింజరములై దుర్వార
        తమములై సైంధవోత్తమము లగుచు


గీ.

వెఱపుఁ బుట్టించి పోనీక వెంబడించి
కహకహార్భటి చాల దిక్తటుల నించి
వేగ నానావిధాయుధవృష్టి ముంచి
కదన మొనరించి రిట్టు లగ్గలిక మించి.

42


ఉ.

అత్తఱి ధారుణీతలవియత్తలము లన నొక్క టయ్యె ను
న్మత్తసురారిబృందములమాయల వహ్ని యమాదిదిక్పతు
ల్తత్తర మంది తత్ప్రతివిధానము సేయ నెఱుంగ రైన నా
యత్తత నేమియుం దెలియ కయ్యమరేంద్రుఁడు నుండె దీనుఁడై.

43


ఉ.

అంత జయంతుఁ డెంతయు రయంబున దేవహయంబు నెక్కి రే
వంతునిరీతి చోదనలు వల్గనము ల్రవగా ల్చెలంగ నం
తంతఁ గణంగి కుందనపుటందపుసింగిణి మ్రోయఁ జేసి కా
లాంతకదండచండవివిధాస్త్రపరంపర లెందు నించుచున్.

44


గీ.

తనదుగాంధర్వమాయ నాదనుజవరుల
మాయ మాయించి వృషపర్వు మయుని దక్కు
నసురముఖ్యుల నెనమండ్ర నైంద్రముఖ్య
దివ్యబాణాష్టకముల వధించె నపుడు.

45


చ.

దనుజులపాటుఁ జూచి మదిఁ దల్లడ మందుచు నుండు శుక్రునిం
గని గురుఁ డంత సంతసము గాంచి జయంత! జయంత! యెంత ని