పుట:2015.390519.Shashamka-Vijayamu.pdf/121

122

శశాంక విజయము

⁠

మమ్మాఱె యనుచుఁ జూపఱు ముమ్మాఱుం బొగడి రొక్క మొగి నవ్వేళన్.

⁠ 29

క.⁠

వాలమున నింద్రుడు కర వాలమ్మున నుగ్గు సేసి వానిహయంబున్ ఫాలము నొవ్వ నేసిన వాలమ్మునఁ బఱచె నది మహావేగమునన్.

⁠ 30

ఉ.⁠

అందుక యుగ్రతుండమున నందుక నబ్ధిఁ బరిభ్రమించు న మ్మందరశైలమో యన నమందర మన్ దివిజేంద్రుదంతి వీ కం దగఁ దొట్టి నిల్చుతురగం బురగం బురగారి బట్టుచా యం దగఁ బట్టెఁ గంద మన నందఱు నం దరుదంది చూడఁగన్.

⁠ 31

ఆ.⁠

హయము విడచి యసుర రయమున లంఘింప నమరగజము వాని నమరఁగ జము చెంత కనిచె నంత నంతకాకృతి నతం డరద మెక్కి నీలశరదలీల.

⁠ 32

క.⁠

కనుపట్టి శరపరంపర లనిమిషపతిమీఁదఁ గురియ నతఁడును రింఖ త్కనకమణిపుంఖశరముల నినిచెను దినకరుఁడు కిరణనికరమువోలెన్.

⁠ 33

చ.⁠

అనలుఁడు విప్రజిత్తియు రయంబున మార్కొని పోరువేళ న య్యనలుఁడు సప్తసాయకము లాతనిపై నిగిడింపఁ దోడనే తునిమి యతండు తత్తనువు తొమ్మిదియమ్ముల నాట నాతఁ డా తనివిలు ద్రుంచి నొంచిన నతండును వేఱొకవింట మార్కొనెన్.

⁠ 34

సీ.⁠

తారకయములు విస్తారకనచ్చాప         నైపుణిఁ బోరి రందఱును బొగడ మయనైరృతులు వహ్నిమయ్యనైకశరముల         నొక్క రొక్కరిఁ గప్పి దక్కు మీఱ శంబరాబ్ధీశులు శంబరాజద్బాణ         శతము లేసిరి పరస్పరతనువుల హేతిసమీరణుల్ హేతిఘట్టనలచే         మిణుఁగురు లెగయంగ రణముఁ జేసి

⁠