పుట:2015.390519.Shashamka-Vijayamu.pdf/114

శ్రీరస్తు

శశాంకవిజయము

పంచమాశ్వాసము

⁠

శ్రీమన్నరురంగాధిప రామానుజగుణగణాంకరచనాముదితా హేమాచలమలయాచల సీమాచరసుకవిచంద్ర! సీనసుధీంద్రా.

⁠ 1

వ.⁠

అవధరింపుము సూతుండు శౌనకాదిమునీంద్రుల కిట్లనియె.

⁠ 2

క.⁠

అంత శచీకాంతుఁడు మది నెంతయుఁ గుతుకమున వీరశృంగారరసా త్యంతరమణీయవైఖరి వింతై కనుపట్టుమహితవిభవము మెఱయన్.

⁠ 3

సీ.⁠

ధళధళద్యుతి నిండుతగటిమెఱుంగుదు         ప్పటి కాసెచుంగులు బాగుమీఱ మృగమదాంకిత మైనమేన వేగన్నులఁ         గనుపట్టుఘనవజ్రకవచ మొప్ప దివ్యమాణిక్యదేదీప్యమానకిరీట         ఘృణు లెల్లదెసల నీరెండ గాయ కంకణమౌర్వీకిణాంక మౌకెంగేల         శతకోటి శతకోటిచెన్ను మిగుల

⁠

గీ.⁠

కల్పసుమధామభూషణోత్కరము మెఱయ చెలఁగి దేవర్షిగణము లాశీర్వదింప మందహాసంబు మోమునఁ గందళింప వెడలె జంభారి కయ్యంపువేడ్క మీఱ.

⁠ 4