పుట:2015.390519.Shashamka-Vijayamu.pdf/109

చతుర్థాశ్వాసము

109

⁠

సకలజనపూజ్యుం డైనయాచార్యుభార్య బలిమిఁ బట్టితి వింతపాపంబు గలదె.

⁠ 174

క.⁠

అంతట బోవక నీ వ య్యింతిని నెత్తుకొని వచ్చి హృదయంబున నొ క్కింతయు వెఱవవు గర్వా క్రాంతుఁడ వై యెంత కండకావరమొ కదా.

⁠ 175

క.⁠

క్షితిలో స్త్రీవ్యసనంబే యతిగర్హిత మందుపైఁ బరాంగన యాపై నుతశీలుఁ డైనగురుసతి పతివ్రత నీ వాచరింపఁ బాడియె నీకున్.

⁠ 176

చ.⁠

అరయక మించి చేసితివి యౌవనగర్వముచే నకృత్య మి త్తఱి మును లైన నీదుతలిదండ్రులపై మొగమాట ని మ్మహ త్తర మగుతప్పుం గాచితిమి దా యడ లేటికి నిప్పు డైన నా గురుశరణంబు సొచ్చి యళికుంతల నిచ్చుట మేలు కానిచోన్.

⁠ 177

క.⁠

ప్రకట మగుసంగరంబున నొకక్షణమున వీపుచర్మ మొలిపించెద యా మిక వేయించెద నిదె మా మకభుజదంభోళిచండిమం బెఱుఁగ వొకో.

⁠ 178

మ.⁠

అని దిక్పాలకు లందఱు న్వినఁగ బంభారాతి పల్కెం గడుం గినుక న్వారలు నిట్లనే యనిరి తీక్ష్ణీభావ మొప్ప న్మహా మునులెల్లన్ శపియింపఁగాఁ దలఁచి రున్మూలంబుగా నాగ్రహం బున సర్వామరసిద్ధసాధ్యులును గుంపు ల్గూడినా రెల్లెడన్.

⁠ 179

క.⁠

నా విని నునుమీసముపై చే వైచి మొగంబునందు చిఱునవ్వును గో పావేశంబును దోఁపఁగ నావేలుపుదూతఁ జూచి యతఁ డిట్లనియెన్.

⁠ 180

శా.⁠

ఓహోహూ! పురుహూతుఁ డెంతటిగృహస్థో! యిట్లు దాఁ బల్క నీ యూహాపోహము లెందుఁ బోయెనొకొ! ప్రత్యూషంబునం గోడియై మోహోద్వృత్తి నహల్యం గూడునెడలన్ బోధింప నేనొల్ల ని ట్లాహా! యొజ్జలపుచ్చకాయవిత మౌరా వేయు నిం కేటికిన్!

⁠ 181