పుట:2015.386124.adhiqs-eipa-shatakamulu.pdf/98

వికీసోర్స్ నుండి
ఈ పుట అచ్చుదిద్దబడ్డది


సీ.

గోవుల నఱకంగఁ గోసి వండుక తిను
            మాలమాదిగలు భూపాలురయిరి
మానాభిమానముల్ మాని ప్రవర్తించు
            మంకుగులాములు మంత్రులైరి
అక్షరం బెఱుగక యాకారపుష్టిచే
            వర్ణసంకరులు విద్వాంసులైరి
బాజారిఱంకుకైఁ బంచాయతీ చెప్పు
            పాతలంజెలు వీరమాతలైరి
అహహ! కలియుగధర్మ మేమనఁగ వచ్చు
నన్నిటికి నోర్చి యూరక యుండదగునే
మదరిపువిఫాల మునిజనహృదయలోల
వేణుగోపాల భక్తసంత్రాణశీల!

35


సీ.

చదువుచుండెడివేళ సభలోనఁ గూర్చుండి
            దున్నపోతుల కొడుకెన్నుఁ దప్పు
విద్యాధికుల కిచ్చువేళడ్డుపడి మాల
            ధగిడీల కొడుకు వద్దనుచుఁ జెప్పు
ధనమెక్కుడుగఁ గూర్చి తినలేక యేడ్చెడి
            పెనులుబ్ధుఁ డర్థుల గనిన ఱొప్పు
బిరుదుగల్గిన యింటఁ బెరిగినఁ గొణతంబు
            విప్పినంతనె కుక్క వెదకుఁ జెప్పు
రాజసభలందుఁ బండితరత్నములకుఁ
బనులు చెఱచును నొక్కొక్క ప్రల్లదుండు
మదరిపువిఫాల మునిజనహృదయలోల
వేణుగోపాల భక్తసంత్రాణశీల!

36


సీ.

జన్నిరోగికి బఱ్ఱెజున్ను వేసినయట్లు
            పిల్లినెత్తిన వెన్నఁ బెట్టినట్లు
కుక్కపోతుకు నెయ్యికూడు వేసినయట్లు
            చెడ్డజాతికి విద్య చెప్పినట్లు