సన్నపు తిరుచూర్ణచిన్నెలు కుట్టాలు జొల్లువీడెమ్ములు వల్లెవాట్లు దాడీలు వెదురాకు తరహా సొగసుకోర్లు నంతకు దొరగార్లటంచుఁ బేర్లు సమరమున జొచ్చి ఱొమ్ముగాయములకోర్చి శాత్రవుల ద్రుంచనేరని క్షత్రియులకు నేల కాల్పనె యీ వట్టి యెమ్మెలెల్ల మదరిపువిఫాల మునిజనహృదయలోల వేణుగోపాల భక్తసంత్రాణశీల!
కోమటి యత్యంతక్షామము గోరును ధారుణి క్షితిపతి ధనము గోరు ధరఁ గరణము గ్రామదండుగ గోరును జంబుకంబేవేళ శవము గోరు కుజనుఁడౌ వైద్యుండు ప్రజల రోగము గోరు సామాన్యవిప్రుండు చావు గోరు అతిశూరులగువారు ధృతిని గోరుచునుందు రాఁబోతు వేదల యశము గోరుఁ గాఁపువానికి గ్రామాధికారమైన దేవభూసురవృత్తులు దియ్యఁగోరు మదరిపువిఫాల మునిజనహృదయలోల వేణుగోపాల భక్తసంత్రాణశీల!
కండచక్కెర పానకముఁ బోసి పెంచిన ముషిచెట్టుకుఁ దీపి పుట్టబోదు పాలమున్నీటి లోపల ముంచి కశిగినఁ గాకిఱెక్కకుఁ దెల్పు గలుగఁబోదు పన్నీరుగంధంబు పట్టించి విసరినఁ దేలుకొండి విసంబు తియ్యఁబోదు వెదురుబద్దలు చుట్టు వేసి బిగించినఁ గుక్కతోఁకకు వంక కుదురబోదు