పుట:2015.386124.adhiqs-eipa-shatakamulu.pdf/86

వికీసోర్స్ నుండి
ఈ పుట అచ్చుదిద్దబడ్డది


పట్టపురాజు చేపట్టి యుంచంగానె
            గుడిసెవాటికి బారి గుణము రాదు
ముండపై వలపున రెండెఱుంగక మోవి
            యానఁగానె జొల్లు తేనె గాదు
కోఁతిపై నున్న సింగపుఁగొదమ కాదు
ఎంత చదివిన గుణహీనుఁ డెచ్చుగాఁడు
మదరిపువిఫాల మునిజనహృదయలోల
వేణుగోపాల భక్తసంత్రాణశీల!

7


సీ.

దండకమండలుధారులై కాషాయ
            ములు ధరించిన దాన ముక్తి లేదు
భూతి గంపెడు పూసి పులిచర్మమును బూని
            ముక్కుమూసిన దాన ముక్తి లేదు
తిరుమణి పట్టెఁడు తీసి పట్టెలు తీర్చి
            భుజము గాల్చిన దాన ముక్తి లేదు
వాయువుల్ బంధించి ప్రాణంబు నలయఁగ
            మూత వేసిన దాన ముక్తిలేదు
గురుపదాంబుజముల భక్తి కుదిరి తమ్ముఁ
దా మెఱుంగక ముక్తి లేదవనియందు
మదరిపువిఫాల మునిజనహృదయలోల
వేణుగోపాల భక్తసంత్రాణశీల!

8


సీ.

దారిద్ర్యమనెడు భూధరచయంబులు గూల్ప
            హరి నీదు భక్తి వజ్రాయుధంబు
అజ్ఞానమనెడు గాఢాంధకార మణంప
            నీదు సపర్య భానూదయంబు
ఘోరమౌ దుష్కృతాంభోరాశి నింకింపఁ
            గా నీదు సేవ దావానలంబు
చపలం బనెడు రోగసమితిని మాన్ప న
            బ్జాక్ష నీ స్మరణ దివ్యౌషధంబు!