పుట:2015.386124.adhiqs-eipa-shatakamulu.pdf/76

వికీసోర్స్ నుండి
ఈ పుట అచ్చుదిద్దబడ్డది


క.

నారాయణ యని సుతునిం
జేర నజామీళుఁడు వేగ పిలిచిన ముక్తిం
జేరిచె నది హరినామము
గారవమున కుందవరపు కవి చౌడప్పా.

84


క.

చిత్తము శ్రీహరిపైకిం
చిత్తును నిలుపంగ లేచి చెడుగుల మడియన్
మొత్తి యమభటులు పొడుతురు
కత్తులతోఁ గుందవరపు కవి చౌడప్పా.

85


క.

తులసీదళముల హరిపద
జలజంబులు పూజ సేయు సరసుల యమదూ
తలుఁ జూచి యేమి సేయం
గలరప్పా కుందవరపు కవి చౌడప్పా.

86


క.

ముంతెడు చమురున హరి
కత్యంతమనసిద్ధి దీప మనుదిన మిడువాఁ
డంతమున జేరు లక్ష్మీ
కాంతుని పురి కుందవరపు కవి చౌడప్పా.

87


క.

అలసట వేసటనయినం
గలయికనన్ నగుచునయిన గరుడధ్వజునిన్
దలచినవారలఁ జేరవు
కలుషంబులు కుందవరపు కవి చౌడప్పా.

88


క.

తనమదిలోపల దశరథ
తనయులలోఁ బెద్దవాని తలచిన జన్మం
బనయంబు పావనంబని
ఘనులందురు కుందవరపు కవి చౌడప్పా.

89