పుట:2015.386124.adhiqs-eipa-shatakamulu.pdf/188

వికీసోర్స్ నుండి
ఈ పుట అచ్చుదిద్దబడ్డది


పాపము లంటఁగనీయక
ప్రాపొసఁగి శరీరమొసఁగి పరమపదంబున్‌
జేపట్టియొసఁగి కృష్ణుఁడు
గోపికలను గరుణఁగాచె గువ్వలచెన్నా!

108


మగవారి లక్ష్యపెట్టక
తెగివీథుల నంగడులను దిమ్మరియెడి యా
మగనాలు దుర్యశంబునకుఁ
నగుదురగు న్విడువవలయు గువ్వలచెన్నా!

109


వెలయాలు సుతుడు నల్లుడు
నిలపతియును యాచకుండు నేవురు ధరలో
గలిమియు లేమియు నెఱుగరు
కులపావనమూర్తి వన్న గువ్వలచెన్నా

110


అడుగదగు వారి నడుగక
బడుగుల నడుగంగ లేమిఁ బాపంగలరా
వడగళ్ళఁ గట్టువడునా
గుడి ఱాళ్ళను గట్టకున్న గువ్వలచెన్నా

111


నిలు వరుస దానగుణములు
గల వారికి గాక లోభిగాడ్దెలకేలా
తలుపేల చాప గుడిసెకు
గులపావన కీర్తి వన్న గువ్వలచెన్నా

112


పరిగేరుకున్న గింజలు
కరువున కడ్డంబురావు కష్టుండిడు నా
తిరపెమున లేమి తీరదు
గురుతర సత్కీర్తిఁ గన్న గువ్వలచెన్నా

113