పుట:2015.386124.adhiqs-eipa-shatakamulu.pdf/183

వికీసోర్స్ నుండి
ఈ పుట అచ్చుదిద్దబడ్డది


తొత్తునకే శివమెత్తఁగ
నత్తఱి మ్రొక్కవలెననెడి నార్యోక్తివలెన్‌
దొత్తుకొడుకైన రాజును
క్రొత్తగ సేవింపవలయు గువ్వలచెన్నా!

78


కంగాబుంగాగొట్టిన
పొంగినమిరియాలనేతి మొదటిపిడుచతో
మ్రింగిననాఁకలి నడఁచుట
కుంగలనజ్జును హరించు గువ్వలచెన్నా!

79


సంగీతము నాట్యము గణి
కాంగనలవిగాని యవి కులాంగనలవియా?
పొంగుచు వాద్యము ఱచ్చల
కుం గొనిచని పాడఁగలరె? గువ్వలచెన్నా!

80


జాలివిడిన చెలికానిని
మాలనిగా నెన్నవలయు మఱియును బనికిన్‌
మాలినదై చెట్టెక్కెడి
గోలాంగూలమనవలయు గువ్వలచెన్నా!

81


ముట్టంచు మాసమునకొక
కట్టడిచేయఁబడె దాని కట్టుఁదెలియకే
ర ట్టొనరింతురు గర్భపు
గుట్టుం దెలియుటకుఁగాదె? గువ్వలచెన్నా!

82


ఆలికిఁ జనువిచ్చినచోఁ
దేలికకులమందుదైనఁ దేలికచేయున్‌
లాలించిన కొలఁదిగ నను
కూలతఁ గొను నధికకులజ గువ్వలచెన్నా!

83