పుట:2015.386124.adhiqs-eipa-shatakamulu.pdf/176

వికీసోర్స్ నుండి
ఈ పుట అచ్చుదిద్దబడ్డది


సవతితన మున్న చుట్టలు
భువి నెఱసుగ నుండి సమయమున దూరంబై
నవుచుందురు రావేడినఁ
గువచనములు పల్కుచుంద్రు గువ్వలచెన్నా!

36


తనవారి కెంత గల్గినఁ
దన భాగ్యమె తనకు నగుచు దగు వాజులకున్‌
దన తోకచేత వీఁచునె?
గుణియైనన్‌ ఘోటకంబు గువ్వలచెన్నా!

37


అతిచన విచ్చి మెలంగగ
సుతసతులైన నిరసించి చులకన చేతుర్‌
మత మెఱిఁగి చరింపందగుఁ
గుతుకముతో మనుజుఁ డెపుడు గువ్వలచెన్నా!

38


చెన్న యనుపదము మునుగల
 చెన్నగుపుర మొకటి దీనిచెంతను వెలయున్‌
సన్నుతులు వేల్పు నుతులును
గొన్నాతని కరుణచేత గువ్వలచెన్నా!

39


ధర నీ పేర పురంబును
గిరిజేశ్వర పాదభక్తి కీర్తియు నీయు
ర్వర నుతులుగాంతు విదియొక
గురువరముగ నెంచుకొనుము గువ్వలచెన్నా!

40


తెలుపైన మొగము గలదని
తిలకము జుట్టును ద్యజించి తెల్లయిజారున్‌
దలటోపి గొనఁగ శ్వేత ము
ఖులలో నొకఁడగునె ద్విజుఁడు గువ్వలచెన్నా!

41