పుట:2015.386124.adhiqs-eipa-shatakamulu.pdf/165

వికీసోర్స్ నుండి
ఈ పుట అచ్చుదిద్దబడ్డది


తరుణు లెంతటి ధీరుల ధైర్యమెల్లఁ
               జూరగొంచురు కన్నెత్తి జూచిరేని
భూరిమయవాస! కోలంకపురనివాస
మదనగోపాల రాధికాహృదయలోల!

77


ఒక మాటు కెమ్మోవి యొరపు రాణింపంగ
               సూటిమీఱగ జిన్ని పాట పాడి
యొకమాఱు గుబ్బలయుబ్బున సడలిన
               పయిట మెల్లనె పొందుపడగఁ దిద్ది
యొక మాఱు గడితంపు టొయ్యారములు దోఁప
               గిలకిల మనుచు నవ్వులనుఁజొక్కి
యొక మాఱు తేనియ లుట్టి పడ్డటువలె
               జిలిబలి ముద్దుపల్కుల దనర్చి
చెలియ లీ రీతి పురుషుల చిత్తములను
గరుఁగఁజేతురు భృత్యులుగాఁగ దమకు
భూరిమయవాస! కోలంకపురనివాస
మదనగోపాల రాధికాహృదయలోల!

78


అన్నదమ్ములు కర్మమని మొత్తుకొందురు
               అక్క చెల్లెండ్రు హా యనుచు నుంద్రు
చుట్టాలు పదుగురు చుల్కఁగాఁ జూతురు
               తల్లి లోలోపల ద్రుళ్లుచుండు
జ్ఞాతవారలు చాల చప్పట్లు గొడుదురు
               వదినెగారులు దెప్పి గదుముచుంద్రు
ఇరుగు పొరుగుల వార లిండ్లకు రానీరు
               పెండ్లిండ్లకైనను బిలువ రెవరు
శ్రీహరీ! దొంగతనమెంత చెడ్డతప్పు
యెంచగా నీడు దానికి నేది లేదు
భూరిమయవాస! కోలంకపురనివాస
మదనగోపాల రాధికాహృదయలోల!

79