పుట:2015.386124.adhiqs-eipa-shatakamulu.pdf/164

వికీసోర్స్ నుండి
ఈ పుట అచ్చుదిద్దబడ్డది


చిలుకల కొల్కుల చిన్నె వన్నెలకును
               నతివల దద్ద యొయ్యారములకు
మెలఁతల నీటారు మేలుకోపులకును
               జెలియల బలితంపుఁ జెలువములకు
బలునిరాబారి పెద్దలే వలచి తొల్లిఁ
జిక్కిరని వించు నొరులకుఁ జెప్పనేల
భూరిమయవాస! కోలంకపురనివాస
మదనగోపాల రాధికాహృదయలోల!

75


భామల చెలువంపు మోము దమ్ములకును
               నబలల లే జెక్కుటద్దములకు
గాంతల సిబ్చెంపుఁ గబ్బిగుబ్బలకును
               నంగనామణుల నూగారులకును
కలకంఠకంఠుల కమ్మ వా తెఱలకు
               సుందరాంగుల వాలుఁ జూపులకును
బల్లవపాణుల మెల్లని నడలకు
               మందయానల ముద్దు మూటలకును
గాంచి పులకించి ధృతి సంచలింపకుండ
నిలువఁగా శక్యమౌనె యానలువకైన
భూరిమయవాస! కోలంకపురనివాస
మదనగోపాల రాధికాహృదయలోల!

76


ఒకమాఱు వాసంతపికవధూకాకలీ
               ధ్వని సదృక్కంఠ నాదముల మించి
యొకమాఱు నిర్మల ప్రకటశరశ్చంద్ర
               చంద్రికా రుచిర హాసముల నెఱపి
యొకమాఱు నిశిత దర్పక ధనుర్జ్యా ముక్త
               శరజాలనిభ కటాక్షముల నించి
యొకమాఱు రత్నకందుక చారుకుచలన
               త్కాంతు లొక్కించుక గానుపించి