చెడి చుట్టమింటికిఁ జేరఁబోవుట ముప్పు చెడుగులతోఁ బొందుచేత ముప్పు భార్యకుఁ జనునిచ్చి పాటి సేయుట ముప్పు. పదిమంది కాదన్న పనులు ముప్పు మొండికొయ్యల మాట నమ్ముకొని బుధులు పాడు తంటాల పని కడ్డపడుట ముప్పు భూరిమయవాస! కోలంకపురనివాస మదనగోపాల రాధికాహృదయలోల!
పరమ మూర్ఖుండైన సరసాగ్రగణ్యుండు శుద్ధ జడుడైన బుద్ధిశాలి సంకరకులుఁడైన సంపూజనార్హుండు అవివేకియైన ప్రజ్ఞాన్వితుండు గడు పందయైన విక్రమశౌర్య ధుర్యుండు మలభక్షకుండైన మాన్యగుణుఁడు పరుష భాషణుఁడైన బహువాక్య చతురుండు ధర్మశూన్యుండైన తగవు పెద్ద యనుచు బొగడిక గాంతురీ యవని యెంత హీనులైనను వ్యవహారమూని యున్న భూరిమయవాస! కోలంకపురనివాస మదనగోపాల రాధికాహృదయలోల!
సాహసౌదార్య పౌరుషశాలి యాతఁడు పావనవంశ సంభవుఁ డతండు నిఖిల విద్యాభ్యాస నిపుణుఁ డాతఁడు దాన కళాధురంధరు డతండు అంచిత చతురపాయజ్ఞుఁ డాతడు బుద్ధి కుశలుఁ డాతఁడు పూజ్యగుణు డతండు సదమలకీర్తి విస్తారుఁ డాతఁడు భవ్య సరస సౌందర్య లక్షణు డతండు