పుట:2015.386124.adhiqs-eipa-shatakamulu.pdf/147

⁠

గాని యమలోక బాధ యొక్కటియుఁ గడుపఁ గఠినచిత్తుల కది చేతఁగాదు సుమ్ము భూరిమయవాస! కోలంకపురనివాస మదనగోపాల రాధికాహృదయలోల!

⁠ 35

⁠

వ్రాసిన వ్రాతదా వ్రాయలేదన వచ్చుఁ                దప్పుజేసుక లోన దాఁచ వచ్చు నీతిఁ దెల్పఁగఁబోయి బూతులాడఁగ వచ్చు                పెద్దలు కాదన్నఁ బెనఁగవచ్చు నింటికేఁగిన వారి నెదిరికొట్టఁగవచ్చు                గానికూటికి నొడిగట్టవచ్చు పలుగుకొయ్యలమాట పాటి సేయఁగ వచ్చు                బుధులవాక్యము త్రోసిపుచ్చ వచ్చుఁ గాని క్రూరులు యమభటఘనగదాభి హతుల బాల్గాక యుండ శక్యంబె తమకు భూరిమయవాస! కోలంకపురనివాస మదనగోపాల రాధికాహృదయలోల!

⁠ 36

⁠

తల్లి బందెలమారి తండ్రి యప్పులముచ్చు                జ్ఞాతి బహుద్వేషి భ్రాత కోపి మరదలు బహుదండి మామగా రవివేకి                యత్త దుర్గుణ గణాయత్త బావ మరిఁది తంతరగొట్టుమనిషి కోడలు మంకు                భార్య గయ్యాళి నిర్భాగ్యురాలు చెల్లెలు గడుదొంగ యల్లుఁడుకూళ పు                త్రుడు దుర్జయుండు కూఁతురు పిసాళి అందరికి పెద్ద దుర్మార్గుఁడరయ తాను యట్టి పురుషాధముని జన్మ మెందు కొఱకు భూరిమయవాస! కోలంకపురనివాస మదనగోపాల రాధికాహృదయలోల!

⁠ 37