పుట:2015.386124.adhiqs-eipa-shatakamulu.pdf/146

వికీసోర్స్ నుండి
ఈ పుట అచ్చుదిద్దబడ్డది


తమ్ముల జెరుప యత్నము దలంచెడు వాడు
               బుధులలో వైరంబుఁ బూను వాఁడు
పదుగురు కాదన్న పనులు జేసెడి వాఁడు
               పరధనంబుల కాసపడెడు వాడు
సుకవి జనములతోఁ జొరఁ జూచు వాఁడు
దుర్గతిని జెందు నిహపర దూరుఁడగుచు
భూరిమయవాస! కోలంకపురనివాస
మదనగోపాల రాధికాహృదయలోల!

33


పరువుపాడై జను పౌరుష మణగారు
               కులము గోదావరి కూల జరుగు
మహిమ మర్యాదలు మంటిలో గలియును
               చదువులు సంధ్యలు చట్టువారు
ప్రజ్ఞలు బుద్ధులు పరలోక మేగును
               గొప్పలు కీర్తులు తుప్పలెక్కు
ధర్మ మార్గము నీతి నిర్మూలమైయుండు
               సకల ప్రతిష్ఠలు సన్నగిల్లు
వంశమందున నొక పాప వర్తనుండు
బుట్టుటను జేసి బుధుల కీ భూమియందు
భూరిమయవాస! కోలంకపురనివాస
మదనగోపాల రాధికాహృదయలోల!

34


గడియ లోపల పెక్కు కల్లలాడఁగ వచ్చు
               నాడిన మాట లేదనఁగ వచ్చు
అప్పుల నెగదొబ్బి చెప్పుకొమ్మనవచ్చు
               జుట్టలఁ జుల్కగాఁ జూడవచ్చు
తనవాడనక బాధలను బెట్టగా వచ్చు
               మిత్రఘాతకవృత్తి మెలఁగ వచ్చు
నొరుల కొంపల మాప నూహ సేయఁగవచ్చు
               తనయులనైనఁ బోఁదరమ వచ్చుఁ