పుట:2015.386124.adhiqs-eipa-shatakamulu.pdf/138

⁠

యెఱుఁగ నేరని మూఢుల కేమిజెప్ప దీనికి ఫలంబు మీఁదను గానవచ్చు భూరిమయవాస! కోలంకపురనివాస మదనగోపాల రాధికాహృదయలోల!

⁠ 14

⁠

తన తాత నిరతాన్న దాతయం చననేల                ముసలామె యూళ్ళంట ముష్టియెత్త తన తండ్రిగారు సద్ర్వత నిష్ఠుఁడననేల                తల్లి బల్ జారవర్తనలు సేయ తనదు భార్యను వరగుణవతి యననేల                కూఁతురు తలవంపురీతి నడువ తనవారలంత సద్ధర్మాత్ము లననేల                చెల్లెండ్రు చౌర్యముల్ సేయుచున్న తాను తీర్పరినని యభిమాన మేల కొడుకు నొకమూలఁ దెరవాట్లు గొట్టుచున్న భూరిమయవాస! కోలంకపురనివాస మదనగోపాల రాధికాహృదయలోల!

⁠ 15

⁠

అప్పు పుచ్చుకొని లేదను మొండి కొయ్యకుఁ                బత్రంబు చించుకో భార మగునె గురుజన ద్రవ్యాపహరణశీలున కన్య                ధనము హరింప సంతాప మగునె తల్లిదండ్రులను బాధల బెట్టు క్రూర చి                త్తునకు బాంధవపీడ దోష మగునె పాలించు ప్రభువు కపాయమెంచు దురాత్ము                నకు మిత్రఘాత మన్యాయ మగునె తనయు పత్నిని రమియించు దారుణునకు పరసతీసంగమాసక్తి పాప మగునె భూరిమయవాస! కోలంకపురనివాస మదనగోపాల రాధికాహృదయలోల!

⁠ 18