పుట:2015.386124.adhiqs-eipa-shatakamulu.pdf/137

వికీసోర్స్ నుండి
ఈ పుట అచ్చుదిద్దబడ్డది


యూరబందికి భీతినొంది పారిన బంటు
               దాడి బెబ్బులుల వేటాడ గలఁడె
కొలుచువారికి జీతములు నొసంగని దొర
               యర్థుల బిలిచి వెయ్యారు లిడునె
బట్టు బొగడిన నొకపూట బత్తెమిడని
యతినికృష్టుఁడు సత్కృతుఁలందగలడె
భూరిమయవాస! కోలంకపురనివాస
మదనగోపాల రాధికాహృదయలోల!

12


అప్పిచ్చి యిమ్మని యడుగునాత డధర్ముఁ
               డెగదొబ్బునాతఁడు తగవు పెద్ద
అడ్డుండి తప్పించు మనువాడు కఠినుండు
               తంటాలు బెట్టునాతఁడు సాధు
వెరువిచ్చి యడిగిన నరుడు దుర్మార్గుఁడు
               నమ్ముకుతిన్న వాఁడార్యవరుఁడు
దాఁచనిచ్చిన సొమ్ముఁ దలచువాఁ డవివేకి
               లేదు పొమ్మనువాఁడు వేదవేత్త
యనుచు తీర్పులు చేసిన యట్టి మూఢుఁ
లంతకన్నను గుణవంతు లవనిలోన
భూరిమయవాస! కోలంకపురనివాస
మదనగోపాల రాధికాహృదయలోల!

13


తనదు దరిద్రత్వమునకు నేడ్వఁగనేల
               యితర సంపద తా సహించలేక
తన యాలు ఱంకుఁబోయినఁ గృశింపఁగనేల
               తా నన్యసతి పొందు మానలేక
తనదు శత్రు లసౌధ్యులని చింత వడనేల
               యొరుల మాపంగఁ దా నుడుగలేక
తనపుత్రు లవగుణులని మొత్తుకోనేల
               యొకరి బిడ్డలనీతి కోర్వలేక