పుట:2015.386124.adhiqs-eipa-shatakamulu.pdf/120

వికీసోర్స్ నుండి
ఈ పుట అచ్చుదిద్దబడ్డది


విభవంబు గలనాఁడె వెనువెంట దిరుగుట
            పని యున్ననాఁడె మావారలనుట
పోడిమి గలనాడె పొరుగింటి పోరచి
            మగుడింపఁగలనాఁడె తగవు సూటి
యాత్మశక్తి తొలగిన యవసరమునఁ
దనకు నెవ్వరు గానిది తథ్యమరయ
బలిమిచే నవయవములు పనికిరావు
మదరిపువిఫాల మునిజనహృదయలోల
వేణుగోపాల భక్తసంత్రాణశీల!

86


సీ.

చేరువ పగయును దూరపు మైత్రియు
            గావించెనేనియుఁ గార్యహాని
స్వనృపుతో వైర మన్యనృపాలమైత్రి
            యొనరించెనేనిఁ గీడొదవకున్నె
త్యాగంబునకు నాత్మభోగంబునకు గాని
            విత్తార్జనంబుఁ గావింపనేల
బాసకు లోనైనఁ బ్రతిబాషలాడినఁ
            బొలఁతితో భాషింపఁ బోవఁదగదు
యిట్టి నయమార్గ మెఱుగక యిచ్చ వచ్చి
నట్లు చరియించువారికి హాని జెందు
నాడికలు గల్గు నిది నిక్క మరసిచూడ
మదరిపువిఫాల మునిజనహృదయలోల
వేణుగోపాల భక్తసంత్రాణశీల!

87


సీ.

సూర్యుఁడు దశశతాంశువులఁ బో దఱిమినఁ
            గలుగవే గుహల చీకటులుఁ డాగ
ఝుంఝూనిలము దాడి సలుప దీపమునకుఁ
            గలుగదే వసియింపఁ గలశమొకటి
వని సాళువంబు గువ్వను బాఱఁ దఱిమినఁ
            దరుకోటరము లేదె దానిఁ బ్రోవ
గరుడుండు వెనుదాక గాకోదరము డాఁగ
            గలుగదే వాల్మీకబిల మొకండు