పుట:2015.386124.adhiqs-eipa-shatakamulu.pdf/113

సీ.⁠

వార్ధక్యమున చిన్నవయసు పెండ్లామైన             దారిద్ర్యమునఁ బెక్కుతనయులైన ఆత్రుఁడౌ భూపతి కతిభాషి మంత్రైనఁ             బొరుగున నత్తిల్లు పొసగుటైన సంగీతపరునకు జడదారి తోడైన             నెనుముతో నట్టేట యీదటైన బెను వానకాలమందున పైనమైనను             జలికాలమున దీక్ష సలుపుటైన మరణమిక వేరు లేదు భూమండలమున లెక్క సేయంగనగునె యీ దుఃఖమహిమ మదరిపువిఫాల మునిజనహృదయలోల వేణుగోపాల భక్తసంత్రాణశీల!

⁠ 70

సీ.⁠

వితరణశౌర్యప్రతిష్ఠునకే కాక             మీసము పిసినారికోసకేల సిరిగల ఘనసువాసిని కొప్పునకుఁ గాక             బొండుమల్లెలు బోడిముండకేల ప్రజ సుఖింపగజేయు పంటచెర్వుకు గాక             గండిగుంటకు ఱాతికట్ట యేల జాతైన బారాహజారితేజికిఁ గాక             కఱకుల కళ్ళెంబు గాడ్దెకేల నతులితంబైన యల పతివ్రతకుఁ గాక శుద్ధవేశ్యకు మంగళసూత్రమేల మదరిపువిఫాల మునిజనహృదయలోల వేణుగోపాల భక్తసంత్రాణశీల!

⁠ 71

సీ.⁠

విద్యాధికుల రాజు వివరించి నిలిపెనా             యిందఱేమిటికంచుఁ గుందుచుండు మోయీను కుగ్రాణమును జెప్ప వడ్లగిం             జలకు బరాతముల్ సరవి వ్రాయు

⁠