పులిగోరు తాళి పచ్చలబాజుబందు ని ద్దా మేల్కడాని జల్తారుపాగ కుడిపదంబున కుజాగుల్కి ఘంటలు ఘల్ల ని మ్రోయుచుండు మానికపుటందె నీటుగాఁ బిన్నవై పల్లెకూటమునకు నరుగుచున్నట్లె ధేనుకాసురుని బట్టి కొట్టి ధరఁ గూలద్రోయవా గుండెలవియ మదరిపువిఫాల మునిజనహృదయలోల వేణుగోపాల భక్తసంత్రాణశీల!
వంకరపాగాలు వంపుముచ్చెల జోళ్ళు చెవిసందుకలములు చేరుమాళ్ళు మీఁగాళ్ళపైఁ బింజె బాగైన దోవతుల్ జిగితరంబైన పార్శీమొహర్లు చేఁపలవలె బుస్తిమీసముల్ కంఠదా వలములు కడుపెద్ద వస్త్రములును సొగసుగా దొరయొద్దఁ దగినట్లు కూర్చుండి రచ్చగాండ్లకు శిఫారసులు చేసి కవిభటుల కార్యములకు విఘ్నములు చేయు రాయసాల్ పిండములు తిను వాయసాలు మదరిపువిఫాల మునిజనహృదయలోల వేణుగోపాల భక్తసంత్రాణశీల!
వలపు రూపెఱుగదు వసుధ మర్త్యులకు సూ కరమైన మనిసిగాఁ గానుపించు నాకలిలో నాల్క యరుచి యెఱుంగదు యంబలైనను సుధయనుచుఁ గ్రోలు గోపం బెదుటి గొప్పకొద్ది యెఱుంగదు ప్రాణబంధువునైనఁ బగతుఁ జేయు నిదుర సుఖంబెఱుంగదు వచ్చినప్పుడు కసవైన విరిశయ్యగా గనపడు