పుట:2015.386124.adhiqs-eipa-shatakamulu.pdf/109

వికీసోర్స్ నుండి
ఈ పుట అచ్చుదిద్దబడ్డది


చెలులతో రాజకార్యముల్ చెప్పరాదు
పలువ మంత్రైన దొరలకుఁ బరువులేదు
మదరిపువిఫాల మునిజనహృదయలోల
వేణుగోపాల భక్తసంత్రాణశీల!

60


సీ.

రణభేరి తగవైన రాజు శ్వేతచ్ఛత్ర
            మేనుఁగు నివి నాలు గేకరాశి
మారుండు కీరంబు మందసమీరుండు
            రాకాసుధాకరుం డేకరాశి
వేదము ల్గోవులు విప్రోత్తములు దర్భ
            లేర్పరింపఁగ నాలు గేకరాశి
మూఢాత్ముఁ డత్యంతమూర్ఖుఁడు గాడిద
            కాకి వీరలు నాలు గేకరాశి
ద్విపదకావ్యంబు ముదికాంత దిడ్డిగంత
యియ్యనేరని రండ నాల్గేక రాశి
మదరిపువిఫాల మునిజనహృదయలోల
వేణుగోపాల భక్తసంత్రాణశీల!

61


సీ.

రతికి దార్కొని సిగ్గు రణమున భీతి భో
            జనకాలమందున సంశయంబు
యిచ్చెడిదేఁ జింత నిచ్చినయెడ లేమి
            వచ్చినవానిపై హుంకరింపు
తగవున మొగమోటదాన మిచ్చకులకుఁ
            దపమొనర్చెడివేళఁ దామసంబు
గూర్మి చేసినచోటఁ గూహకం బద్భుత
            ద్రోహవర్తనులపై యీహదృష్టి
అవని సత్కీర్తికోసమై యాశనొందు
రాజవరులకు నివియఁ గారాని పనులు
మదరిపువిఫాల మునిజనహృదయలోల
వేణుగోపాల భక్తసంత్రాణశీల!

62