కుదిరెనంచని యూరకుండిననే సరా పాయ కాత్మను బాటి సేయవలయు చేసినను కాదు పాచిని ద్రోసి శుద్ధ గంగ యెత్తినయటు ముక్తి గాంచవలయు మదరిపువిఫాల మునిజనహృదయలోల వేణుగోపాల భక్తసంత్రాణశీల!
భట్టరాచార్యుల బట్టలు కాగానె మడి గట్టుకొను పట్టుమడతలౌనె అల రాచకూతురు నధరంబు కాగానె తేనెఁ జిల్కునె యనుపానమునకు అల్ల యేలేశ్వరోపాధ్యాయు బుఱ్ఱయు రాచూరి పెద్దఫిరంగియౌనె అల తాళ్ళపాక చిన్నన్న రోమములైన దంబుఱ దండెకు దంతులౌనె హుంకరించిన నెటువంటి మంకునైనఁ దిట్టవలయును గవులకు దిట్టమదియె మదరిపువిఫాల మునిజనహృదయలోల వేణుగోపాల భక్తసంత్రాణశీల!
బడవాకుఁ బ్రతి యెన్న బహుమతు లేనూరు దళవాయి కొక్క యూర ధర్మచేట పడుపుతొత్తుకు మేలుపౌజు కమ్మలు తాటాకు దుద్దులు తల్లిచెవుల దండెదాసర్లకుఁ దాజీతవాజము కవివరులకుఁ గన్నగాని మన్ను బైనీని సుద్దికి బారిశాలువజోడు విద్వాంసులకు బేడ వెలితిగుడ్డ ఘనము నీచం బెఱుంగక కలియుగమున నవని నడుతురు మూఢులైనట్టి దొరలు మదరిపువిఫాల మునిజనహృదయలోల వేణుగోపాల భక్తసంత్రాణశీల!