పుట:2015.373276.Rangaraya-Charitramu.pdf/5

4

రంగారాయచరిత్రము

ఉ.⁠

ఆయతమౌక్తికగ్రథితహారమునం జెలువొప్పు విస్ఫుర న్నాయకరత్న మట్లు సుమనస్తతి కెంతయు నగ్రగణ్యుఁడై పాయక యంతరాయములఁ బాపు గజాస్యుఁడు రామమేదినీ నాయకమౌళికిం గృప ననారతమున్ సమకూర్చు నిష్టముల్.

⁠ 4

శా.⁠

చాపంబున్ డమరు త్రిశూల శరముల్ శాతాసి ముఖ్యాయుధ వ్యాపారంబునుఁ బాణిపంక్తులఁ దలిర్పన్ శాబరోద్వేలహే లాపుంభావమునం జెలంగి విజయోల్లాసంబునం బొంగున య్యీపూరీపురవీరభద్రుఁడు జయం బిచ్చుం గృతిస్వామికిన్.

⁠ 5

శా.⁠

వీణాపుస్తకముల్ కరాబ్జయుగళిన్ వెల్గొంద విద్వత్కవి శ్రేణీజిహ్వలపై నటింపుచు రమాసీమంతినీరత్నశ ర్వాణీముఖ్యసతీవతంసములకు న్వైదగ్ధ్యముల్ నేర్పున వ్వాణీదేవి యొసంగు మత్కృతికి వాగ్వైచిత్ర్యమాధుర్యముల్.

⁠ 6

తే.⁠

కాళిదాసమయూరమాఘప్రభృతుల నుతులఁ దేలించి యాంధ్రసత్కృతు లొనర్చు నన్నపార్యుండు తిక్కన నాఁ దనర్చు ప్రాక్తనకవీంద్రచంద్రులఁ బ్రస్తుతింతు.

⁠ 7

ఉ.⁠

నిబ్బరమైన యక్కరము నేర్చినవారలపోల్కె వట్టి త బ్బిబ్బులు నాలుగల్లి తమభీకరవేషవిశేషపుష్టికై యుబ్బి భ్రమల్గొనం గదిసి యొంటరిపాటున మూఢసన్నిధిం డబ్బులుగొట్టు దుష్కవులు డాయఁగ నోపుదురే రసజ్ఞులన్.

⁠ 8