పుట:2015.372978.Andhra-Kavithva.pdf/287

వికీసోర్స్ నుండి
ఈ పుట అచ్చుదిద్దబడ్డది

270

ఆంధ్ర కవిత్వచరిత్రము


ఇక బ్రహ్మానంద జనకత్వము. - ఇఁక బ్రహానందము నిచ్చు శైలి యెట్టిదనఁగా? భాష సాక్షాత్కారముఁ గలిగి భావమున లనుఁడై పోయిన కవినోట యమృతమువో లే, శివుని శిరముననుండి భువికి దిగు గంగా నిర్ఘరిణివోలె నప్రయత్నముగ, నిరలంకారముగ, ప్రకృతి మధురముగఁ, దనంతటఁదానే, కవి యసునతఁడు లేనట్టిరీతినే, వెలువడు పదజాలమే, భావమే, యిట్టి బ్రహానందమే యాత్మను గురించి పవిత్రముఁ జేయును. ఇట్టి బ్రహ్మానంద జనకములగు పద్య ములు. భారత భాగవతములఁ బెక్కుచోట్ల నున్నవి. కాని, యీ బ్రహ్మానందముఁ దిరముగ నేకస్థాయిని నుండుట యరుదు. సాధారణముగఁ గాంతి, పుష్టి మొదలగు కావ్యశైలి గుణములతోఁ గలసి మెలసి వర్తించును. సర్వస్వతంత్ర భావనా శక్తిని గూర్చియుఁ గవియొక్క.. దివ్య దృష్టిని పరకాయ ప్రవేశ ప్రభావమును సూచించు పద్యములఁ గొన్నిటిని గత ప్రకరణ మున సుదాహరించితినే, అవియన్నియు నీ బ్రహానంద జనక శైలి కుదాహరణములే యని యెఱుంగునది. ఇంక రెండు మూఁ డుదాహరణముల నొసంగెద:....

సీ కుప్పించి యెగసినఁ గుండలంబుల కాంతి
గగనభాగం బెల్లఁ గప్పికొనఁగ
సురికిన నోర్వక యుదరంబులోనున్న
జగముల వ్రేగున జగతి కదలఁ
జక్రంబుఁ జేపట్టి చనుదెంచురయమునం
బై నున్న పచ్చనిపటము జార