పుట:2015.370800.Shatakasanputamu.pdf/640

మారుతీశతకము

689

చ.⁠

తరువుల కెల్లఁ బల్లవవితానములౌచు మహేంద్రముఖ్యభూ ధరముల కెల్ల ధాతుసముదాయములౌచు దశాస్యుప్రోలికిన్ సురుచిరవహ్నికీల లగుచున్ దగుతావకపాదదీధితుల్ మఱువక మన్మనోగతతమం బణఁగించును గాక మారుతీ!

⁠ 55

ఉ.⁠

బంధుర మైనభీతిఁ గొని పర్వతకందరడాఁగు తజ్జగ ద్బంధుకుమారవర్యునకు భానుకులాగ్రణిబాంధవంబు వే సంధిలఁ గూర్చి వాలిని విసంజ్ఞునిగాఁ బొడిపించి మించి కి ష్కింధకు రాజు జేసితివి కీర్తిఘనుండవు నీవు మారుతీ!

⁠ 56

చ.⁠

అడవులఁ గొండలం దిరిగి యాకులుఁ గాయలుఁ గోసి తించు నే ర్పడ నదులం గొలంకుల జలంబులు గ్రోలుచు నున్నక్రోఁతులం జడులను భానుజుండు గొని చక్కగఁ ద్రిప్పుచుఁ గార్యసిద్ధులం బడయుట చూడ నీదుప్రతిభామహిమంబునఁ గాదె మారుతీ!

⁠ 57

శా.⁠

సౌమిత్రిప్రబలప్రతాపశిఖిచేఁ జాకుండ సుగ్రీవునిన్ గామాంధున్ రఘునాథుపాదముల వేడ్కన్ వ్రాలఁగాఁ జేసి త త్ప్రేమాధిక్యముచేతఁ బ్రాణసహితున్ శ్రీమంతుఁ గావింపవే నీమంత్రిత్వము వర్ణనీయము గదా నిత్యోన్నతీ! మారుతీ!

⁠ 58