పుట:2015.370800.Shatakasanputamu.pdf/611

వికీసోర్స్ నుండి
ఈ పుట అచ్చుదిద్దబడ్డది


క.

శ్రీమజ్జితవిద్యుద్గణ
ధామా దుర్మదవిరామ తాపసరామా
హేమహరిణమును ద్రుంచిన
శ్రీ...

19


క.

రామా కల్యాణప్రద
నామా కోదండరామ నవ్యభుజంగో
ద్దామ దశకంఠలుంఠన
శ్రీ...

20


క.

రామా రక్షక మ్రొక్కద
రామా నన్నేలుకొఱకు రాజకుమారా
శ్రీమహనీయ దయానిధి
శ్రీ...

21


క.

రామా నీదగునామము
సామప్రియ శివునిపత్ని సరవిన్ జపమున్
గామితమతి నొనరించెను
శ్రీ...

22


క.

రామా యెల్లప్పుడు మీ
రామతొ నావెంట నంటి రమ్మా విలస
త్ప్రేమను మోక్షం బిమ్మా
శ్రీ...

23


క.

రామయ్య రామ సీతా
రామా పట్టాభిరామ రాఘవరామా
శ్రీమృత్యుంజయపూజిత
శ్రీ...

24


క.

శ్రీమహిత రామభద్రా
కామితకరుణాసముద్ర కార్ముకహస్తా
హేమశరాసన వందిత
శ్రీ...

25