పుట:2015.370800.Shatakasanputamu.pdf/593

వికీసోర్స్ నుండి
ఈ పుట అచ్చుదిద్దబడ్డది

642

భక్తిరసశతకసంపుటము


ర్వాధారంబులు మూసి నిశ్చలసహస్రారామృతం బాని యో
గాధీనస్థితి నుండలేదు భవదైక్యం బెట్లు రామప్రభో.

64


మ.

ధరణిన్ తీర్థము లెల్ల నీరములెకా దైవంబులెల్లన్ శిలాం
తరమృద్ద్రూపము లేకదా విమలసుధ్యానైకపారీణుఁ డౌ
పరయోగీంద్రున కిన్ని యేల నిజభావం బందుపై నంతటన్
తిరమై నిల్చిన నిన్ను జూచుకొను చింతేకాక రామప్రభో.

65


మ.

అణుమాత్రంబొ మహత్తరంబొ హృదయం బత్యంతమౌనో బహి
ర్గణనీయంబొ దృగంతగోచరమొ యీక్షావృత్తికిం దూరమో
గుణియో నిర్గుణియో వికోశమొ లసత్కోశంబొ నీరూపమున్
గణుతింపం దరమా ఝరీనిలయవద్గణ్యంబు రామప్రభో.

66


మ.

యమునాసంగముఁ జూడనేటికి సుషుమ్నాసంగముం జూదుచోఁ
గమలాసంగము గోరనేమిటికి షట్కంజాప్తుఁడై యున్నచో
నమృతాంధత్వము గోరనేటికి సహస్రారామృతం బానుచోఁ
దమియై యుండిన సన్మునీంద్రున కసాధ్యం బెద్ది రామప్రభో.

67


మ.

మతభేదంబులు సేయనేల యతికి న్మాయాప్రపంచంబు స
మ్మతివయ్యుం గడుసేయనేల వ్రతము ల్మాత్సర్యశూన్యుండు నై