పుట:2015.370800.Shatakasanputamu.pdf/588

శ్రీరామప్రభుశతకము

637

⁠

సప్తార్చిర్ముఖనేతసర్వభువనేశత్వంబు దా నాత్మలో వ్యాప్తిం బొందుట మానెనే యితరుల న్వాక్రువ్వఁగా నేటికిన్ దృప్తిం బొందఁగరాదు భోగసుఖవృద్ధిం గోరి రామప్రభో.

⁠ 45

మ.⁠

కరుణం బ్రోవఁగ నేర్తురో శుభములం గావింపగా నేర్తురో వరముల్ గూర్పఁగ నేర్తురో దురితము ల్వారింపఁగా నేర్తురో పురుషార్థంబు లొసంగ నేర్తురొ భవాంభోరాశి దాఁటింతురో ధరణీపాలురఁ గొల్వనేల మది సంతాపింప రామప్రభో.

⁠ 46

మ.⁠

తనవారంచును దా నటంచుఁ దనసత్వం బంచుఁ దా శక్తుఁడం చును దుర్మానత మానవుండు విహరించు న్మోహవిభ్రాంతుఁడై తనవా రెవ్వరొ దా నెవండొ తనసత్వం బెద్దియో శక్తి నె వ్వనిలో గానఁడు మూలకారణము దైవం బెన్న రామప్రభో.

⁠ 47

మ.⁠

ధనమెందైన నృపాగ్ని చోరులకు సంతానంబులం జెందుఁ జెం దును గాయంబు చితాగ్నియందుఁ దిరమై దుష్కీర్తియుం గీర్తి మా యనిదై నిల్చు మహీతలంబునను ధర్మాధర్మముల్ వెంటనే చనుదెంచుం జనుఁ డెంతఁ జేసిన విశేషం బెంత రామప్రభో.

⁠ 48